Камырга төрелгән тавык ботлары

8 Марта 2018

Укылган: 359 тапкыр

Бик тиз һәм җиңел әзерләнә торган рецепт тәкъдим итәбез.

Ингредиентлар:

· катлы камыр — 500 г

· тавык боты (балтыры) — 4 данә

· бәрәңге — 4 данә

· шампиньон — 150 г

· суган — 1 шт.

· сыек май — 2 аш кашыгы

· ак май — 30 г

· тәменчә тоз, борыч

· йомырка сарысы — 1 данә

  1. Тавык ботларын юабыз, корытабыз. Тоз, борыч сибәбез һәм сыек майда табада кыздырабыз.

  2. Гөмбәне һәм суганны турыйбыз. Аларны тавык әзерләнгән майда кыздырабыз.

  3. Шул ук вакытта бәрәңге боламыгы әзерлибез. Бәрәңгегә ак май салабыз.

  4. Кыздырылган гөмбә белән пешкән бәрәңгене бергә бутыйбыз. Тәменчә тоз, борыч өстибез. Эчлек әзер.

  5. Камырны 3 мм калынлыкта җәябез, аны 15х15 сантиметрлы квадратларга бүләбез.

  6. Җәелгән камырның уртасына кечкенә генә камыр кисәкләре салып чыгабыз. Бу, эчлекнең шулпасы агып чыгып, камырны тишмәсен өчен эшләнә.

  7. Һәр квадратка 2 аш кашыгы чамасы бәрәңге һәм гөмбә массасы салына.

  8. Өстенә вертикаль рәвештә тавык ботлары куела. Камырны капчык рәвешле бөгәбез. Өстен лента яисә җеп белән җиңелчә генә бәйлибез.

  9. Пергамент җәелгән табага тавык ботларын тезәбез, өстенә йомырка сарысы сөртеп чыгабыз. 180 градуска кадәр җылытылган мичтә 25-30 минут кызарганчыга кадәр пешерәбез.

  10. Өстәлгә яшелчә һәм үләннәр белән бизәп бирәбез.


Фикерләр








Аш-су

Ташкентча пылау

Җырчы Салават Миңнеханов Инстаграмда Ташкент пылавы рецептын тәкъдим итә. Ул аны Сабантуйда төшереп алган. "Пешерә алсагыз мине кунакка чакырырга онытмагыз",- дип тә өстәгән җырчы.

Аш-су

Брынзалы бәрәңге пәрәмәче

Осетин милли пирогына охшатып, тозлы сыр белән пәрәмәч пешереп карагыз әле. Тиз һәм җиңел генә ясала. Кайнар килеш тә, салкын килеш тә тәмле.

Аш-су

Вафлидан торт

Вакыт кысан вакытта балалар торт сорап аптырата икән, әзер вафли коржларыннан һәм бисквиттан чәй янына татлы торт әзерләргә мөмкин. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла