Кабаклы мантый

12 Января 2018

Укылган: 489 тапкыр

"Кабаклы мантый" рецептын тәкъдим итәбез.
Камыр өчен: 750 г югары сортлы он,300 мл су, 1 аш кашыгы кукуруз оны, 1 аш кашыгы манный ярмасы, 1/2 чәй кашыгы тоз,  берничә тамчы зәйтүн мае.

Эчлек өчен: 400 г кабак; 400 г башлы суган, 1 чәй кашыгы диңгез тозы (эре), борыч, 1 чәй кашыгы укроп чәчәкләре, 1 аш кашыгы зәйтүн мае.

Эш барышы:

1. Онга кукуруз оны һәм манный ярмасы, тоз өстибез. Бу иң юка камырга да парда пешкәндә ертылырга бирми. Болгатабыз.

2. Уртасында чокыр ясап, әкренләп салкын су агызабыз. Басабыз.

3. Берничә тамчы зәйтүн мае өстибез. Тагын басабыз.

4. Яхшылап басылган камырны савытка салып ризык пленкасы белән каплыйбыз. Эчлекне әзерләгәндә "ял итәргә" калдырабыз.

5. Эчлек ясый башлыйбыз. Кабакны әрчеп, төшләреннән арындырабыз. Вак шакмакларга турыйбыз. Суганны да әрчеп, шакмакларга турыйбыз. Савытка кабак, суган салабыз, тоз, борыч, укроп өстибез.

6. Бер аш кашыгы зәйтүн мае салып болгатабыз.



7. Камырны җәеп шакмакларга телгәлибез. Һәр шакмак уртасына эчлек салып чыгабыз.

8. Кырыйларын тоташтырып, уртасыннан чеметеп алабыз. Кырыйлары ачык кала.

9. Ачык кырыйларын турыпочмак ясап чеметеп чыгабыз.

10. Почмакларын тоташтырып чеметәбез.

11. Һәр мантыйның төбен үсемлек маена батырып алабыз.

12. Мантыйларны пароваркага тезеп, ябык капкач астында 25 минут пешерәбез.

13. Әзер мантыйларга петрушка сибеп була. Томат соусы да бик урынлы булыр.

Фикерләр








Аш-су

Ташкентча пылау

Җырчы Салават Миңнеханов Инстаграмда Ташкент пылавы рецептын тәкъдим итә. Ул аны Сабантуйда төшереп алган. "Пешерә алсагыз мине кунакка чакырырга онытмагыз",- дип тә өстәгән җырчы.

Аш-су

Брынзалы бәрәңге пәрәмәче

Осетин милли пирогына охшатып, тозлы сыр белән пәрәмәч пешереп карагыз әле. Тиз һәм җиңел генә ясала. Кайнар килеш тә, салкын килеш тә тәмле.

Аш-су

Вафлидан торт

Вакыт кысан вакытта балалар торт сорап аптырата икән, әзер вафли коржларыннан һәм бисквиттан чәй янына татлы торт әзерләргә мөмкин. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла