Исмегөл ападан эремчек пирогы рецепты
Исмегөл апа инстаграмдагы сәхифәсендә эремчек пирогы рецепты тәкъдим итте.
Камыры: 200 гр сыер мае, 1 ст җылы сөт, 3 йомырка, 4 аш кашыгы үсемлек мае, 2 аш кашыгы майонез, 4 аш кашыгы шикәр комы, ярты пачка "Люкс" чүпрәсе (кечкенә пачка), тәменчә тоз, кирәгенчә он.
Барысын бергә болгатып, камыр ясарга. Камырны ясау белән пешерергә, күпертергә кирәкми.
"Шушы камыр рецепты белән 3 таба пирог чыга. Мин өчкә бүлеп, бер өлешеннән пешерәм һәм калганын суыткычка куеп торам. Кирәк вакытта әзер була", дип киңәш итә Исмегөл апа.
Эчлеге: 500 гр эремчек, 250 гр каймак, 4 йомырка, 5 аш кашыгы шикәр комы, 6 аш кашыгы сыер мае.
Башта йомырканы миксерда яхшылап болгатырга, шуңа каймак, шикәр комы һәм эремчекне өстәргә, май өстәп, ныгытып болгатырга.
Камырны табага җәеп, эчлекне салып, пешерергә куярга.