Әфлисун белән пешкән тавык
Әлмәт шәһәрендә яшәүче Рәдифә Ногмановадан Яңа ел табыны өчен әфлисунлы тавык рецептын тәкъдим итәбез.
Тавык түшкәсе өчен: сарымсак, кара төелгән борыч, аджика, куркума, тоз, аш серкәсе яки әфлисун согы.
Барысын бергә болгатырга һәм тавык түшкәсенә ышкырга, 3-4 сәгатькә калдырырга.
Аннары түгәрәкләп киселгән әфлисунны тавык түшендәге тире астына тыгарга, ә эченә алма һәм калган эфлисуннарны тутырырга. Тавык түшкәсенең аякларын бергә бәйләп куярга.
180-190 градуска кадәр кызган мичтә 1,5 сәгать пешерергә.