Фәрит Мөхәммәтшиннан “Томалап пешерелгән судак” рецепты
Татарстанның Дәүләт Советы Рәисе “Секреты татарской кухни” тапшыруында балык пешерде
Әлеге ризыкны әзерләү өчен: бер судак балыгы, 3-4 баш суган, 150-200 гр каймак, 1 данә лимон, үсемлек мае, тоз, борыч, тәмләткечләр.
Иң элек балыкны чистартабыз. Эчлек әзерләү өчен суганны ярымбоҗралап турап, шуңа каймак, тоз һәм тәмләткечләр кушып болгатабыз. Әзер эчлекне балыкның эченә тутырабыз.
Маринад өчен бер лимонның согын сыгып, шуңа үсемлек мае, тоз, борыч, орегано, тимьян сибеп, балыкның тышын майлыйбыз.
Балыкны фольга белән каплап, бер сәгатькә мичкә куябыз. Пешеп җитәргә 15 минут кала, балыкның өстен ачып, кызартып алабыз.