Чәчәкле мантый рецепты

26 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлчәчәк ВӘЛИЕВА
Фото: Автор
Чәчәкле җәйдә гаиләгезне яки кунакларыгызны гадәти генә түгел, ә чәчәкле мантый белән сыйлагыз.

Камыр өчен: 1 стакан су, 1 йомырка, 1 чәй калагы тоз, якынча 3-4 стакан он.

Эчлек өчен: якынча 400 граммлап сыер итеннән фарш һәм күп итеп суган (2-3 баш).

Соус өчен: 1 кишер, 1 суган, 2 аш калагы томат пастасы (яки 2 помидор алырга була), 2 аш калагы үсемлек мае, бераз тоз һәм су.

Барлык ингредиентларны кушып, камыр басабыз. Әгәр сез мантый пешергәндә башка төрле рецепттан кулланасыз икән, үзегезчә ясагыз. Әзер булгач, камырны каплап, бераз ял иттерәбез. Ә шул арада эчлек әзерлибез. Әзер фарш икән, суганны блендер аркылы ваклап салыгыз, ә фаршны үзегез ясасагыз, иттарткычтан шундук суганны да чыгарыгыз. Фаршка тоз, төелгән кара борыч салабыз.

Соус өчен дә кирәкле ингредиентларны әзерләп куябыз: кишерне кыргычтан чыгарабыз, суганны турыйбыз.

Камырны ике өлешкә бүлеп, куна тактасында җәябез һәм форма ярдәмендә түгәрәкләр кисәбез. Рәсемдә күрсәтелгәнчә, әлеге түгәрәкләрне берсе өстенә берсен куеп чыгабыз. Зур чәчәкләр ясарга теләсәгез, 5-6 камыр куярга була, кечерәк чәчәкләргә дүрт камыр да җитә. Уртасына фарш куеп чыгабыз, һәм камырлар белән ябабыз. Рәсемдә күрсәтелгәнчә, камырларны бөтереп, роза чәчәге ясыйбыз. Шул рәвешле барлык камырдан да фаршлы чәчәкләр ясап чыгабыз.

Табада суган белән кишерне кыздыргач, томат пастасы, тәмләткечләр һәм су салабыз. Шушы соуска чәчәкләрне куеп, өстен ябып, 30-35 минут пешерәбез. Табынга чәчәкләрне соус белән бергә чыгарабыз һәм кайнар килеш ашыйбыз.

Чәчәкләрне бер ясаганда күбрәк итеп ясарга да була. Аларны суыткычка куеп катырасыз да, арып эштән кайткач, тиз генә пешереп аласыз.

Әлеге чәчәкләрне мантый пешерә торган савытта да пешерергә мөмкин. Тик табада пешерелгәне тәмлерәк һәм матуррак чыга.


  Без Инстаграмда

Фикерләр








Аш-су

Алмалы-балан бәлеше рецепты

Алмалы-балан бәлешен ике-өч төрле камыр белән пешерәм. Эчлекне бертөрле генә ясыйм.

Аш-су

Күбекле алма бәлеше рецепты

Теләче районы Иске Җөри авылында яшәүче Гөлчәчәк Каримуллинадан күбекле алма бәлеше рецептын тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла