Бәрәңге коймагы

5 Марта 2018

Укылган: 497 тапкыр

Автор: Ләйсән ХАФИЗОВА
Берәр нинди тәмле әйбер ашыйсы килә, дип, ымсынып йөргән чактта, бәрәңге коймагы ярап куярга мөмкин. Әче-татлы соус ясап, кетердәп торган коймакка ягып бирергә була.
- 5 бәрәңге
- 1 суган
- 1 ярты стакан он
- 2 йомырка
- тәменчә тоз, борыч, тәмләткечләр
- укроп, петрушка
- кыздыру өчен үсемлек мае

Бәрәңгенең кабыгын чистартып, зур тишекле угычтан уабыз. Суганны чистартып, вак тишекле угычтан уып, бәрәңге янына салабыз.



Аерым савытта ике йомырканы туглыйбыз һәм бәрәңгегә өстибез.



Бу массага тулыр-тулмас  ярты стакан он салабыз.



Тәменчә тоз, борыч салабыз. Башка төрле тәмләткечләр дә өстәргә була. Әйбәтләп болгатабыз, төерләрен бетерәбез.

Тирән эчле табада үсемлек маен кыздырабыз. Фритюрница да файдаланып була. Май коймакларны күмеп торырга тиеш. Зуррак кашык ярдәмендә коймак ясап, кызган майга салабыз. Коймак кырыйларын чәнечке белән аергалап җибәрсәң, алар кетердәп пешәр. Ике ягын да кыздырып, пешерәбез.



Пешкән коймакларны аерым тәлинкәгә кәгазь салфетка өстенә салып куеп торабыз. Артык мае шунда саркып чыгып бетәр.



Кайнар коймак өстенә укроп, петрушканы ваклап сибеп, тозлы кыяр, кетчуп белән бирәбез.



Пешерер алдыннан, бәрәңгеле массага бер чеметем генә сода өстәргә була. Коймаклар бераз күпереп китәр. Эченә сарымсак уып салып җибәрсәң, аерым бер тәмле булыр.

Коймакларны тиз арада пешереп бетерергә кирәк, юкса, бәрәңгенең суы саркып чыгып, юешләнеп бетәчәк.

Бу ризык украин, белорус халыкларында "драник" дип атала. Угыч ярдәмендә бәрәңгедән катламлап аеру, "драть" дигән мәгънәдән алынган.

Фикерләр








Аш-су

Ташкентча пылау

Җырчы Салават Миңнеханов Инстаграмда Ташкент пылавы рецептын тәкъдим итә. Ул аны Сабантуйда төшереп алган. "Пешерә алсагыз мине кунакка чакырырга онытмагыз",- дип тә өстәгән җырчы.

Аш-су

Брынзалы бәрәңге пәрәмәче

Осетин милли пирогына охшатып, тозлы сыр белән пәрәмәч пешереп карагыз әле. Тиз һәм җиңел генә ясала. Кайнар килеш тә, салкын килеш тә тәмле.

Аш-су

Вафлидан торт

Вакыт кысан вакытта балалар торт сорап аптырата икән, әзер вафли коржларыннан һәм бисквиттан чәй янына татлы торт әзерләргә мөмкин. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла