Аджикалы баклажаннар

25 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Резидә ФӘЙЗУЛЛИНА
Фото: Гөлүзә Василова
Ингредиентлар: 3 кг баклажан, 1,3 кг помидор, 0,5 кг болгар борычы, 100 грамм сарымсак, 3 данә ачы кызыл борыч, 3 аш калагы тоз, 100 грамм шикәр комы, 150 мл аш серкәсе (6℅ кирәк, мин 100 мл 9℅лыны салдым), 1 лавр яфрагы, 200 мл сыек май. 

Баклажаннарны бармак калынлыгында түгәрәкләп кисеп чыктым һәм бер аш калагы тоз салып бутап куйдым. 

Помидор, болгар борычы, ачы борыч һәм сарымсакны иттарткычтан чыгардым, шуна калган ике калак тозны, шикәр комын, сыек май, аш серкәсе, лаврны салып, яхшылап болгатып, кайнатырга куйдым. 

Масса кайнап чыккач (болгаткалап торырга кирәк), салкын суда чайкатып, саркытылган баклажаннарны салдым һәм төбенә утырмасын өчен болгата-болгата пешерергә куйдым. Баклажаннарны таякчык белән төрткәләп тикшерергә, таякчык йомшак керүгә баклажан әзер дигән сүз. Шуңа мин савытнын өстен каплап пешердем, тиз һәм тигез пешә. 


Әгәр баклажаннарны озаграк тотсаң ботка була, ә болай үз формасын саклый. Әзер булуга стериль банкага калак белән тыгызлап тутырабыз (чама хисен югалтмыйча) һәм өстенә аджика салабыз да капкач белән ябып, астын өскә әйләндереп, суытырга куябыз.

Минем шушы күләмнән 7данә 0,7 литрлы һәм 1 данә 0,5литрлы банка булды.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла