Холодец рецепты

24 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйсән ХАФИЗОВА
Фото: Ләйсән Хафизова
Холодецны икенче төрле койка дип тә атыйлар. Ул буыннары авырткан кешеләр өчен бик файдалы ризык.

Бу ризыкны пешерү өчен махсус ит кисәкләре кирәк. Аларны моталышка дип тә атыйлар. Бу иттә куерткыч матдәләр — җелек күп була. Желесыман шул матдә шулпаны куерта, холодецне дерелдек итә. Күпчелек очракта, буыннар тоташкан урындагы сөякле итне алалар. Койрык сөякләрендә дә желе күп була. Ит сатучылар, гадәттә, холодец пешерә торган кисәкләрне — субпродуктны аерып сата. Холодец куерып, дерелдек рәвешенә килсен өчен, иң мөһиме — ит дөрес сайланган булырга тиеш. Мөгезле эре терлек аякларыннан, койрык өлешеннән алынган сөяк кисәкләре холодец өчен бик кулай булыр.

2–3 кило чамасы махсус итне яхшылап югач, салкын чиста су тутырылган кәстрүлгә салыгыз. Бу иткә 4–5 литр чамасы су салырга кирәк. Холодец пешерү өчен зуррак үлчәмдәге кәстрүл алыгыз. Итле кәстрүлне утка куегыз. Кайнап чыккач, утны киметеп, 3–4 сәгать чамасы сүрән утта кайнатыгыз.

Куера башлагач, шулпаны сүндереп торыгыз. Шулпадан итне алыгыз. Шулпаны вак тишекле иләк аша сөзеп, сөяк кисәкләреннән чистартыгыз.

Бераз суына башлаган итне сөякләрдән чистартыгыз. Әгәр җитәрлек дәрәҗәдә пешеп беткән булса, ит сөяктән бик җиңел аерыла, үзе кубып төшә диярлек. Сөяксез итне иттарткыч яки блендер ярдәмендә ваклагыз. Шушы итне кабат шулпага салыгыз. Кәстрүлне кабат утка куегыз, кайнап чыккач, тагын 1 сәгать чамасы сүрән утта тотыгыз. Шушы вакытта махсус сыткычтан сытылган 5–6 тырнак сарымсак салыгыз. Тәменчә тоз, борыч өстәгез. Лавр яфрагы салырга мөмкин.

Ярымәзер булгач, холодецлы кәстрүлне уттан алыгыз. Аерым савытларга салып, суыткычка куегыз. Ризык 4–5 сәгатьтән катылана һәм әзер була. Әзер холодецны 2 көн чамасы суыткычта сакларга мөмкин.

Һәркем үз тәменчә башка төрле тәмләткечләр дә өсти ала. Шулай ук суган, кишер дә салырга мөмкин.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла