15 яшьлек Актаныш кызы Алинә Япониядә фигуралы шуу бәйгесендә Гран-при алды

10 Декабря 2017

Укылган: 1749 тапкыр

Алина 2017 елда юниорлар арасында дөнья чемпионкасы дип табылган иде.

Бәйге Япониянең Нагоя шәһәрендә узды. Фигуралы шуу буенча Гран-при тимераякта шуучыларның Бөтендөнья берлеге (ISU, ИСУ) тарафыннан һәр ел саен у уздырылган ярышлар. Гран-прида спортчылар үз дәүләтләренең вәкилләре буларак түгел, шәхси күрсәткечләре буена катнашалар. Шул рәвешчә, Гран-при ул дөньяның иң яхшы спортчылары бәйгесе дигән сүз. 



Алинә Заһитова үзен бик яхшы хис итүе һәм Россия чемпионатында яхшы күрсәткечләргә өмет итүе хакында әйткән. 


"Р-спорт" сайтына интервьюсында ул: "Бу чыгышымнан мин канәгать калдым. Дөрес, аз гына ялгышлар булды. Былтыр юниорлар өчен Гран-прида авыр булды, чөнки минем өчен бу бәйгедә беренче чыгыш ясау иде. Әлбәттә, Россия чемпионаты - бик мөһим старт. Үз программаларымны шомартып, тамашачыларга яхшы прокат тәкъдим итәргә җыенам". 

Алинә ике программада чыгыш ясап, 223,30 балл җыйды. Ике атнадан - 21-24 декабрьдә Заһитова Санкт-Петербург шәһәрендә Россия Чемпионатында чыгыш ясаячак. 

Россия спортчысы Мария Сотскова икенче, Канада спортчысы Кейтлин Осмонд өченче урынга лаек дип табылган. 


Фото: http://hcizhstal.ru. Михаил Бормин

Алинә Заһитованың әтисе Илназ тумышы белән Актаныш районы Әҗби (Татарский Азибей) авылыннан. Алинәнең әтисе үзе дә спортчы, хоккейчы, 2015-2016 елларда "Ижсталь" командасының тренеры иде.



Алинә сеңлесе белән.






Фикерләр








Спорт

Кул көрәше буенча Россиядә беренче урын алган татар спортчысы: Үземне батыр егет дип саныйм

Екатеринбургта кул көрәше буенча ил беренчелегендәге ярышларда Башкортстанның Балтач районы яшь спортчы Радим Галиуллин 45 килограммга кадәр авырлык категориясендә беренче урын алды. “Татар-информ” хәбәрчесе татар спортчысы һәм аның остазы белән әңгәмә корды.

Спорт

“Итекле хоккей янына итәкле хоккей да булса, начар булмас”

Саба районының Мәртен авылында итекле хоккей ярышлары узды. Ярышлар Саба егете, 26 яшендә юл фаҗигасында һәлак булган Фидәрис Ганиевнең якты истәлегенә багышлана.  Авылча, җылы итек, бүрек, киң бияләй киеп, шайба урынына кечкенә туп белән Мәртенгә кайтып хоккей уйнауның инициаторы исән чагында Фидәрис үзе булган. Кызганыч, ул безнең арада бик аз гомер генә яшәп калды. Ләкин аннан калган татулык рухы өзелми монда.

Спорт

«Туган көн»гә кемнәр бара: Олимпиадага чакыру алган 7 татар спортчысы

Халыкара Олимпия комитетына 500 спортчыдан торган исемлек тәкъдим ителсә дә, Россиянең 169 спортчысына гына катнашу рөхсәт ителде. Нейтраль әләм астында чыгыш ясаячак Россия спортчылары арасында 7 татар да бар.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла