Роберт Миңнуллин Татарстан гимны сүзләрен дөрес язмауда гаепли: "Бу хурлык!"

11 Октября 2017

Укылган: 825 тапкыр

Татарстанның халык шагыйре Роберт Миңнуллин Казан политехник колледжының юбилее уңаеннан оештырылган күргәзмәдә булган. Инстаграм аккаунтына шул чарадан фото урнаштырган. 


Шулай ук бу постка җавап итеп ул гимнның текстын да урнаштырган:


Хәерле кич! Минем үтенечкә бик исегез китмәде бугай! Берничәгездән башка... Сезгә Татарстан гимнының сүзләрен тәкъдим итәм! Фикеремне әйтеп тормыйм, кабул ителгәч, дәүләт символларын хөрмәт итәргә бурычлыбыз! Гимнның иске сүзләре юк иде. Ул Р.Яхинның Р.Байтимеров сүзләренә җырланган җыр иде. Без аның көен генә гимн итеп кабул иттек. Ләкин күп җирдә шул җыр сүзләрен гимн итеп язып куялар иде. Бигрәк тә мәктәпләрдә. Әлеге колледжда эленеп торган сүзләр дә җавапсызлыктан килә. Бу наданлык билгесе, әлбәттә! Гимн 13нче елга кадәр сүзсез башкарылды. Аннары шушы текст барлыкка килде. Дүрт ел узды бит... Кемдер күрергә тиеш иде, югыйсә. Бу, беренчедән, гимнга мөнәсәбәт. Икенчедән, татар теленә... Димәк, татарча беркем дә укымый. Берегез әйткәнчә, хурлык! Ә үзебез дәүләтчелек, татар теле, дибез... Үз республикасының дәүләт гимнын белмәгән кешегә дәүләтчелек тә кирәкми шул...

Публикация от Robert_Minnullin (@robert_minnullin_poet)

Фикерләр








БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла