Лилия Муллагалиева очраган авария турында өстәмә мәгълүмат билгеле булды

2 Января 2018

Укылган: 1932 тапкыр

Автор: Эльвира ШАКИРОВА
Яңа ел алдыннан Казан урамнарының берсендә җырчы Лилия Муллагалиеваның Toyota RAV4 машинасын бәрдергәннәр, дип язган идек. Бу вакытта машинада ике бала да булган.
Лилия сөйләвенчә, бу хәл 29 декабрь көнне 16:20 сәгатьтә булган. “С.Хәким урамындагы боҗрада машиналарга юл биргәндә, артыма килеп керделәр. Арттагы машина шулкадәр көчле бәрелде ки, минем Toyota хәтта 3 метрга алга китте. Машинада ике бала йоклый иде, алар өчен бик нык курыктым. Рульдә булган егеткә ЮХИДИ чакыртырга тәкъдим иттем дә, елый башлаган балаларны тынычландыру өчен машинага утырдым. Бу арада теге егет машинасына утырып, авария урынын ташлап качты. Билгеле, артыннан кузгалдым, ләкин арага кергән машиналар аркасында мин аны югалттым”, - дип сөйләде Интертатка Лилия.



Кызганыч, җырчы авария ясаган машинаның маркасын һәм тулы номерын истә калдыра алмаган. “Бары тик 535 саннарын гына хәтерлим”, - ди ул. Видеорегистраторны ЮХИДИ хезмәткәрләренә күрсәткәч, Лада Веста яки Киа Рио булырга мөмкин, дигәннәр. Лилия гаепле машина йөртүчене ничек тә табарга тели. “Янәшәдә торган автобусларның видеорегистраторларын, боҗра янындагы бассейнның видеокамерасын да караячакбыз. Минемчә, юньсезләр җәзасын алырга тиеш. Ул авария урыныннан качарга тиеш түгел иде. Яки ул исерек булган, яки аның машинасы иминиятләштерелмәгән. Башка очракта ул качмас иде”, - ди Лилия Муллагалиева.

Лилиянең Toyota RAV4 машинасына шактый зур зыян килгән. Аның сүзләренчә, машинаның арткы ягы янчелгән, бамперы ярылган. Машинага әле ике ел да юк икән. Узган ел җырчы аны КАСКО буенча иминиятләштергән булган, быел исә ясатмаган.




Фикерләр








Социаль челтәр йолдызлары

Актанышта сыерчыклар өчен манаралы оя ясаган Нәсим Заһертдинов: Исламда кошларга оя ясау бик яхшы гамәл

Социаль челтәрләрдә манаралы сыерчык оясы фотосы таралды. "Татар-информ" хәбәрчесе ояның авторын эзләп тапты. Ул - Актаныш муниципаль районы Башкарма комитеты җитәкчесе ярдәмчесе Нәсим Заһертдинов.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла