Искәндәр Шакиров: Үз җырларын башкармаган җырчыларны аңлап бетермим

14 Апреля 2018

Укылган: 1491 тапкыр

Автор: Зилә МӨБӘРӘКШИНА
Фото: Фото: Искәндәр Шакиров
Җәвит һәм Зөлфия Шакировларның уллары Искәндәр үзенең төрле адымнары белән әледән-әле халыкны шаккаттырып тора. Күптән түгел генә "Кеше җырын җырлап йөргән җырчыларны бөтенләй хөрмәт итмим. Алар чын җырчы түгел!" дигән сүзләре зур ыгы-зыгы тудырган иде. Искәндәрдән бу сүзләренә аңлатма бирүне сорагач, ул фикерен бераз "йомшартты". 

– Искәндәр, социаль челтәрләрдә Сезнең “үз җырларын җырламаучыларны җырчыга санамыйм” дип әйткән фикерегезне яздылар. Татар эстрадасында башка авторларның җырларын башкарган җырчылар бихисап бит. Бу хакта аңлатма биреп китсәгез иде.

– Әгәр дә үзең җыр язасың икән, димәк, ул синең күңелең аркылы үтә. Минем бер генә үзем язмаган җырым бар – “Ян сөюнең ялкынында” дип атала. Ул әтинең җыры, аңа аны кайчандыр бүләк иткән булганнар. Әтинең күңеле булсын өчен һәм җыр үземә дә бик ошаганга күрә яздырдым. 

Ә калганнары барысы да үзем иҗат иткән җырлар. Аранжировканы эшләгәндә дә ничәдер процентын үзем башкарам, “скелет”ын ясыйм. Соңыннан аранжировщик белән утырып, һәр уен коралы, һәр тавыш ничек булырга тиеш икәнен тулысынча контрольдә тотам, бергәләп эшлибез. Миңа калса, кеше җырны башыннан ахырына кадәр үзе эшләп чыга алса (ә бу вакытта ул барысын да башы аша үткәрә), сүзнең мәгънәсенә төшенәчәк, җырны ул йөз процент кирәкле хис-кичереш белән җырлый алачак дип саныйм.

– Үз җырларын башкармаган җырчыларны яратасызмы?

– Андый җырчылар күп хәзер. Мин аларны хөрмәт итәм, яратам, әлбәттә. Ләкин мин андыйларны аңлап бетермим, чөнки җырчы залда утырган тамашачыга ниндидер тәэсир калдырырга тиеш. Мәсәлән, җырның сүзләрен үзе язган кеше шул җыр кешедә нинди эмоцияләр булырга тиешлеген үзе генә белә, чөнки үзе аның белән яшәгән, аны тойган. Үзе иҗат иткән җырны башкарган җырчы үзенең җырын тамашачыга тизрәк җиткерә ала дигән фикердә мин.

Искәндәр Шакиров күптән түгел генә Гөлназ Асаева белән дә конфликтка керде. Искәндәрнең инстаграм битендә урнаштырган видеоязмасыннан аңлашылганча, Башкортостан җырчысы Гөлназ Асаева Искәндәрнең иҗатын тәнкыйтьләгән һәм аның җырларын "мәгънәсез" дип атаган. Моңа җавап итеп Искәндәр Шакиров Гөлназ Асаеваны "үзең бала гына, ә үзең картлар җырын башкарасың" дип гаепләп чыкты. Гөлназ Асаева исә "Искәндәр Шакиров кебек җырларга ярамый!" ди. Искәндәр Гөлназдан гафу үтенү көтүен әйтә.

Фикерләр








Социаль челтәр йолдызлары

Татар көрәшчесе Булат Мусинга кызлар ни өчен гашыйк?

Татарча көрәш буенча Дөнья Кубогы иясе Булат Мусин инстаграм аккаунтындагы постларны гел яңартып тора. Кызлар шул фотоларга гашыйк. Нигә икәнен чамалыйсыздыр инде. Үзе матур, үзе батыр, үзе татар!

Социаль челтәр йолдызлары

Хәния Фәрхигә багышлап шигырь язучы Владимир Вакшель: "Кадерлем, Хəния, китмә!"

ВК социаль челтәрендә татар эстрадасының “примадонна”сы, бер ел элек арабыздан киткән популяр җырчыбыз Хәния Фәрхигә багышланган “Мәңгелек хәтер” төркеме бар. Хәния Фәрхинең иҗатына битараф булмаган уналты меңгә якын кеше җыелган анда. Төркемнең бер бүлегендә җырчыга атап язылган махсус шигырьләр дә урнаштырылып барыла. Алар арасында Беларустан Владимир Вакшельнең иҗат җимешләре игътибарга лаек. Берничәсен сезгә дә тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла