Инвалид бала үстерүче Миләүшә Сафина: Мин аның әнисе булуым белән горурланам!
Җырчы Миләүшә Сафина инстаграмына кызы Мәрьям белән төшкән видеосын куйган.
Миләүшәнең бу видеосын карагач, күңел тула. Аның инстадуслары да шундый хисләр кичерә: Мәрьямгә чын күңелдән сәламәтлек телиләр.
Миләүшә Сафина моннан ун еллап элек популярлык казанып килүче өметле җырчы иде. Әмма күпмедер вакыт актив иҗат иткәннән соң ул сәхнәдән юкка чыкты. Миләүшәнең шул вакытта зур сынауга дучар булуын белүчеләр бардыр. Тамашачылар башта Миләүшәнең әни булуы турындагы хәбәрне шатланып кабул итте. Соңыннан исә, кызы Мәрьямнең авыру белән көрәшеп яшәвен белгәч, көенделәр.
Миләүшә Сафина белән видеоинтервьюны да карагыз.
“Мәрьям авырый, дәвалау өчен ярдәм кирәк!” – дип, ул вакытта Миләүшә социаль челтәрдә үзе язды. Мәрьямгә ярдәм кулы сузучылар шактый булды – кыска гына вакыт эчендә зур сумма акча җыелды, Мәрьям дәвалану курсын башлады.
Миләүшә баласын берүзе үстерә. Мәрьямнең әтисе белән аерылышканнар...