Айгөл Мильштейн: Әллә ул ашыкты, әллә мин соңга калдым...

12 Декабря 2017

Укылган: 1470 тапкыр

Мәскәүдә яшәүче актриса Айгөл Мильштейн Татарстанның халык артисты Зөфәр Хәйретдиновтан җыр алган, дөресрәге Зөфәр әфәнде Айгөлгә аны бүләк иткән. Айгөл бу җырны шулай ук Мәскәүдә яшәүче танылган артист белән җырлаячак.
"Зөфәр абый Хәйретдинов миңа җыр бүләк итте. Яратам да инде үзен! Бу минем өчен иң зур бүләкләрнең берсе. Рәхмәт! Җырлыйсы гына калды", - дип язган иде берничә көн элек Айгөл интернетта. Ул бу җырны "Премьер-министр" төркеме җырчысы, татар егете Марат Чанышев белән башкара. Бервакыт сөйләшкәндә, Айгөл Марат белән дуэт җырларга хыяллануын әйткән иде. Күрәсең, хыялы тормышка ашкан.



"Бу дуэтка ничә еллар буе әзерләнүебезне белсәгез! Әле җае чыкмый, әле вакыт юк, әле җыры туры килми... Ләкин без - актерларда шундый сүз бар: "Сиңа язган роль сине үзе эзләп табачак!" Безне Марат белән җыр үзе эзләп тапты. "Соңгы бүләк" исемле җырны Зөфәр Хәйретдинов бүләк итте. Бу җыр азмы-күпме дәрәҗәдә барыбызга да кагыла. Язмыш аерган, яисә сөйгән яры ташлап киткән авыр вакытлар һәркайсыбызның тормышында булгандыр. Бу җыр миңа бик якын, чөнки күптән түгел ул хәлләр үз башымнан үтте. Якын кешең мизгел эчендә чит-ят кешегә әверелә... Әмма мин аның якын кешесе була алмадым... Әллә ул ашыкты, әллә мин соңга калдым... Безнең җыр һәркемнең йөрәгенә үтеп керер дип өметләнәм. Тиздән аны дөньяга чыгарачакбыз", - диде Айгөл Мильштейн. 

Фикерләр








БАШКА ЯҢАЛЫКЛАР

Intertat.ru © 2001 - 2018 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла