Җырчы Гүзәлия сихерли башлаган?

5 Января 2018

Укылган: 1571 тапкыр

Автор: Эльвира ШАКИРОВА
Җырчы, композитор Гүзәлиянең җырлары халыкны дәвалый башлаган. Алай гына да түгел, җырларында сихер бар, имеш. Бу хакта Гүзәлиянең үзенә әйткәннәр.
“Сезнең җырларыгыз үзенчәлекле, тынычландыра, авыр вакытта ярдәм итә,” - дип еш яза башладылар. Хәтта “җырларыгыз дәвалый, аларда ниндидер сихер, аерым бер энергетика бар”, - дип язучы хатын-кызлар да бар. Авыру кешеләр, тол хатыннар күп яза”, - дип сөйләде Интертатка Гүзәлия.

Моннан тыш, Гүзәлия белән дуэт җырларга теләүчеләр дә бихисап икән. “Көн саен диярлек Интернетка яшь егетләрдән хатлар килә. Алар минем белән дуэт җырларга тели. Ни өчен минем белән дуэт җырларга телиләрдер – анысын аңлап бетерә алмыйм. Аларның барысы да – яшь егетләр! Мин моңа шаккатам, гаҗәп хәл бит!” - ди җырчы.

Исегезгә төшерәбез, Гүзәлиянең яшь егетләр белән башкарган дуэтлары чыннан да бик популярлашып китә. Элвин Грей белән җырлаган “Яныңа агылам” җырыннан соң, бу ике җырчы да танылды. Җырның авторы – Гүзәлия үзе. Ә күптән түгел Гүзәлия җырчы Хәким белән яңа дуэт тәкъдим итте, хәзер ул да яшьләр арасында танылып килә. 

“Кайвакыт “Дуэтны үзегез тәкъдим итәсезме?” дип сорыйлар. Дөресен әйтәм, беркайчан да беркемгә дә дуэт җырлыйк әле, дип әйткәнем булмады. Илназ Баһка гына тәкъдим иттем, анысын да «Барс Медиа» киңәше белән. Башка егетләр-кызлар үзләре дуэт яздырырга тәкъдим итә”, - ди Гүзәлия.






Фикерләр








Шоу-бизнес

Гөлназ Асаева: Ришат Төхвәтуллинны яраткан кебек берәүне дә яратмадым

Тамашачыларны яшь җырчы Гөлназ Асаеваның иҗатыннан бигрәк шәхси тормышы кызыксындыра. Нәкъ менә шәхси тормышы турында сөйләтер өчен, без Гөлназны интервьюга чакырдык.

Шоу-бизнес

Зөлфия-Җәвит Шакировлар концертында кайсы артистның оҗмахка, кайсын тәмугъка эләгәсен билгеләделәр

3 апрель көнне Г.Тукай исеменләге Татар дәүләт филармониясендә Татарстанның халык артистлары Җәвит һәм Зөлфия Шакировларның “Гомер үткәненә үкенмик” дип аталган өр-яңа тамашалары булып узды. Концертта “Татар-информ” агентлыгы хәбәрчесе дә булды.  

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла