Татар эстрадасында кабат "Буран дулый": Лилия Хәмитова сәхнәгә кайта!

6 Февраля 2018

Укылган: 3091 тапкыр

Автор: Зөһрә РӘФЫЙКОВА
Фото: vk.com
Кичә Татарстанда буран булды. Шул вакыт Лилия Хәмитованың "Буран дулый" җырын исенә төшермәгән татар кешесе булды микән? Җыры белән бергә Лилия дә искә төште. Кайчандыр бик популяр булган җырчы соңгы елларда сәхнәдә күренми бит. Хәзер ул ни белән мәшгуль? Нишләп югалган? Лилиянең үзе белән элемтәгә кердек.


- Югалып тордым дию бик үк дөрес булмас, мин бары телевизорда гына күренми тордым. Концертларда мин, сирәк булса да, чыгыш ясыйм. Хәзер мин туган ягым Арчама күчеп кайттым. Башта төп йортта әни янында гаиләсе белән абый яшәде. Алар йорт салып, үзләренә күчкәч, әни янына иптәшкә мин кайтырга булдым. Хатын-кызның һаман йортта нидер үзгәртәсе килә бит, шуңа күрә әни йортында төзелеш эшләре башлап җибәрдек. Бөтен дөньямны онытып, төзелешкә чумып, иҗат белән шөгыльләнергә вакыт та булмады, - дип аңлатты безгә Лилия үзенең югалып торуын.

- Лилия, бар сәбәбе - төзелешме? Башка сәбәпләре дә бардыр бит? Сез бит үз иҗатыгызны нык яратасыз, җырларыгызны яратып тыңлаган тамашачыларыгыз да сезне сәхнәдә бик көтте! 

- Дөресен генә әйткәндә, 5-6 ел дәвамында минем зур сәхнәгә менеп җырлап йөргәнем булмады. Мине кызыксындырырлык җырлар да табылмады. Күңелгә ошамаган җыр белән чыгыш ясасаң, аны бит тамашачы да сизеп ала. Моннан тыш, улым Әмирне тәрбияләүдә дә үз көчемне куясым килде. Баланың үскән чагын күреп каласы килә бит. Иң күңеллесе шул бит аның. Әби тәрбиясендә үскән, безнең яраткан улыбыз инде ул.

- Улыгыз белән аның киләчәк профессиясе турында сөйләшкәнегез юкмы әле? 

- Улым Әмир 7 нче сыйныфта укый. Үзенең булачак һөнәрен ул сәнгать белән бәйләргә тели, әмма бүтән юнәлештә. Ул Арча укучылар сараеның “Нур” балалар телестудиясенә бик яратып йөри. Анда зур кызыксыну белән видеооператор һөнәренә өйрәнә. Әле үзенә 13 яшь кенә булуга карамастан, "Әнием, ниһаять, үзем теләгән һөнәрне таптым бугай", дип, безне сөендерә. Әле кем белә бит: бәлкем, чыннан да, үсеп, талантлы оператор булып китеп, әнисенең җырларына клиплар төшерер, бергә эшләрбез. 

- Лилия, иҗатташ дусларыгыз белән эләмтәдә торасызмы? Сез бит татар эстрадасында зур үрләр яулаган идегез, коллегаларыгыз эшегездән читкә тайпылып торуыгыз турында ниләр әйтә? 

- Әйе, Аллага шөкер, без коллегалар белән гел тыгыз элемтәдә торып, хәлләр белешеп, яшәү белән кызыксынып торабыз. Әле күптән түгел генә Җәвит абый Шакировның “Кәмит-Җәвит” тапшыруында кунак булып кайттым. Анда иҗатташ дусларым белән күрешеп, рәхәтләнеп сөйләшеп, күңелле ял итеп алдык. Шулкадәр сагындырылган сәхнә һәм телевидение тормышы, бүген менә әле дә шуның белән бәйле күңелле эмоцияләрне кичерәм. 20 нче февраль көнне “Казан кичләре” концертына чакырдылар. Алла бирса, анда да барып кайтырга ниятлим. 

- Ел башында "Интертат" электрон газетасы хәбәрчесенә “2018 нче елда тамашачыма үземның исән икәнемне белдерәм" дигән идегез.

- Аллага шөкер, төзелеш эшләре артта калды, улым да үсеп килә, быел иҗатымны үстерү белән шөгыльләнә башларга исәплим. Тиздән, шушы көннәрдә, яңа җырым чыгарга тиеш, шуны түземсезлек белән көтәм. Алда тагын берничә җыр яздырырга чиратта тора, шуңа күрә тиздән тамашачыларым белән күрешербез, Алла бирса.  



Фикерләр








Шоу-бизнес

“Кәкре аяклар хәзер модада”, яки иске авыздан иске сүз: Гөлназ Сәфәрова ТНВда яңа тапшыру тәкъдим итә

18 майда Казан рестораннарының берсендә ТНВ каналында иң югары рейтинглы булырга тиеш дип планлаштырылган проект - “Мин” тапшыруының презентациясе булды. Бу тапшыру мода, стиль, иң мөһиме – хатын-кызларның тышкы һәм эчке дөньясын үзгәртүгә багышланган. “Татар-информ” хәбәрчесе тапшыруны әзерләүчеләр белән сөйләште.

Шоу-бизнес

Рөстәм Насыйбуллин: Тагын берничә елдан ветераннар турында сагынып сөйләргә генә калачак

Ватан, сугыш турындагы җырларны яратып җырлыйм. Кан койгыч сугышны үз күзләре белән күреп, безгә җиңү китергән санаулы ветераннар каршында бүген чыгыш ясый алуым белән горурланам. Чөнки тагын берничә елдан алар турында сагынып сөйләргә генә калачак, ди Казан шәһәр филармониясе солисты Рөстәм Насыйбуллин.

Шоу-бизнес

Айгөл Бәдретдинова: Чын мәхәббәтемне очраттым

“Татарстан хәбәрләре” тапшыруының алып баручысы һәм хәбәрчесе Айгөл Бәдретдиновага 29 яшь булуга карамастан, ул әле дә кияүдә түгел. Моның сәбәбен үзеннән сорадык.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла