Ринат Рәхмәтуллин: Әни үлгәч, авылның яме китте

12 Сентября 2017

Укылган: 2151 тапкыр

Автор: Эльвира ШАКИРОВА
Фото: Регина Хәбибуллина
Татар эстрадасы җырчысы Ринат Рәхмәтуллин әнисен югалтты. 6 сентябрьдә Буа районы Түбән Наратбаш авылында яшәүче Нурия апаның китүенә бер ай булды. Ул инфаркт булып, 79 яшендә мәңгегә күзләрен йомды. Ринат ул кайгылы көн турында intertat.tatar хәбәрчесенә сөйләп, кабат күңелендә яңартты.

- 5е көнне Пенза идем, кичке сәгать 10да әнигә шалтыраттым. "Хәлем бик начар, реанимациядә ятам", - диде. Төнгә 3тә кайттым, күзгә йокы керми. Реанимация бүлегенә шалтыратып, әнинең хәлен белергә уйладым. Ләкин төн уртасы, йоклыйлардыр дип борчымадым. Бишенче яртыда табиб шалтыратып: "Ринат, с мамой плохо", - диде. Мин килгәндә, әни аңында түгел иде инде. Ярты сәгать эчендә китеп барды, - дип сөйләде Intertat.ru хәбәрчесенә Ринат Рәхмәтуллин.

Җырчы сөйләвенчә, Нурия апа егылып, оча-бот буынын сындыру сәбәпле, операция кичергән булган. "Операциядән соң бик сызланды, күңеле моңсу булды. "Аякка баса алырмынмы икән?" дип бик борчылды. Инде терелгәч кенә, уйламаганда инфаркт булып реанимациягә эләкте. Ул чакта савыкты, әмма бу юлы икенче инфарктны кичерә алмады", - ди Ринат. 

Нурия апа Сафиулла кызы Рәхмәтуллина 40 ел буе балалар тәрбияләгән. "Әни бик әйбәт кеше иде. Аның юклыгына әле дә ышанып булмый. Әнине соңгы юлга озатырга бик күп кеше килде. Авыл халкы "авылыбызның яме китте", диде. Балаларны - бала, олыларны олы итә белде ул. Теләсә кем белән уртак тел таба алды. Зур хөрмәттә яшәде, бик яраттылар аны. Мин гастрольгә киткәч, көненә 10-15 тапкыр шалтырата иде. Хәлемне белешмичә йокларга ятмас иде. Әни һәрвакыт "Ринат" дип яшәде. Бик юксынам әнине, кыен, өйдә бушлык. Хәзер шалтыратучы да юк. Концерт вакытында телефонны сүндереп куйгач, "хәлләрегез ничек, исән-саумы?" дип төркемдәге бөтен кешегә шалтыратып чыга иде. Әнинең китүе - безнең өчен зур югалту. Исән чагында әнинең кадерен белергә кирәк", - диде җырчы.

Ринатның һәм якыннарының тирән кайгысын уртаклашабыз, күркәм сабырлык телибез. Нурия апаның урыны оҗмахта булсын!..


Фикерләр








Шоу-бизнес

“Кәкре аяклар хәзер модада”, яки иске авыздан иске сүз: Гөлназ Сәфәрова ТНВда яңа тапшыру тәкъдим итә

18 майда Казан рестораннарының берсендә ТНВ каналында иң югары рейтинглы булырга тиеш дип планлаштырылган проект - “Мин” тапшыруының презентациясе булды. Бу тапшыру мода, стиль, иң мөһиме – хатын-кызларның тышкы һәм эчке дөньясын үзгәртүгә багышланган. “Татар-информ” хәбәрчесе тапшыруны әзерләүчеләр белән сөйләште.

Шоу-бизнес

Гөлназ Асаеваның әнисе Лилия Биктимерова: Кызым кияүгә чыкмый калыр дип куркам

Рөстәмнең хатыны Айгөл белән концертта беренче тапкыр күрешәчәкбез, ди Гөлназ Асаеваның әнисе Лилия Биктимирова. Ике гаилә дустанә мөнәсәбәттә яшәсәләр дә, хатыннарның моңарчы күзгә-күз күрешкәннәре булмаган икән...

Шоу-бизнес

Рөстәм Насыйбуллин: Тагын берничә елдан ветераннар турында сагынып сөйләргә генә калачак

Ватан, сугыш турындагы җырларны яратып җырлыйм. Кан койгыч сугышны үз күзләре белән күреп, безгә җиңү китергән санаулы ветераннар каршында бүген чыгыш ясый алуым белән горурланам. Чөнки тагын берничә елдан алар турында сагынып сөйләргә генә калачак, ди Казан шәһәр филармониясе солисты Рөстәм Насыйбуллин.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла