Ләйсән Таишева: Балага нинди исем кушу — ата-ананың эше

6 Августа 2017

Укылган: 3655 тапкыр

Автор: Эльвира ШАКИРОВА
"Татар радиосы" ди-джее Ләйсән Таишева әни булырга җыена. Ләйсән белән Александр узган ел Казанда шаулатып-гөрләтеп туй иткән иде.
— Ләйсән, йөклелек чоры ничек уза? Токсикоз борчымыймы?

— Бик шәп уза! Бернинди кыенлыгын сизмим. Токсикоз да булмады. Андый хәлләрнең булуын теләмим.



— Бәби кайчан туачак? Исем уйладыгызмы әле?

— Ноябрьнең ахырына көтәбез, Алла боерса. Кем икәнен дә беләбез инде. Ләкин бала туганчы, кем булуын һәм исемен әйтмәскә уйладык.

— Хәзер иске исемнәр кушу модада. Моңа карашың ничек?

— Иске исемнәр арасында да бик матур исемнәр бар. Әти-әнисе тели икән, кушсын. Балага нинди исем бирү — бары тик аларның эше, аларның теләге.

— Ләйсән, ничә бала алып кайтырга телисең?

— Алла теләсә, ике бала дип уйлыйм. Ә калганын тормыш күрсәтер.

— Бу көннәрдә тормыш иптәшең белән Төркиядә ял итеп кайттыгыз. Йөкле килеш чит илгә бару куркытмадымы?

— Ял итәргә барырга курыкмадым. Табибым да рөхсәт итте. Рәхәтләнеп су коендым, кояшта бик кызынмасам да, барыбер каралып кайттым. Без кайттык, икенче көнне әни (Татарстанның халык артисты Римма Ибраһмиова — автор.) ял итәргә китте.



- Булачак әниләргә нинди киңәшләр бирер идең?

- Актив һәм адекват булырга кирәк!

Фикерләр








Шоу-бизнес

"Болгар радиосы" премиясе: Салават Фәтхетдиновка "Алтын йолдыз" бирелмәде

9 декабрьдә Казанда "Болгар радиосы" V милли музыкаль премиясен тапшыру тантанасы узды. Тамаша узачак "Пирамида"га килеп кергәндә, артистлар сәхнә артында мәш килеп чыгышларына әзерләнә иде. Аларга комачауламас өчен залга юнәлдек.

Шоу-бизнес

“Волга-Волга”дан Антон Салакаев: “Татар телен өйрәнергә мөмкинлек бирмәделәр”

Быел Казанның популяр төркеме «Волга-Волга» оешканга 20 ел тула. Бу төркем үз җырларыннан тыш, танылган җырларны икенче стильдә, ягъни каверлар башкара. Төркемнең репертуарында шулай ук татар җырлары да бар. “Татар-информ” хәбәрчесе “Волга-Волга” төркеме солисты, сәнгать җитәкчесе Антон Салакаев белән күреште. Антон безне төркем оешкан һәм күп еллар дәвамында чыгыш ясаган урыннарга, хәзерге студиясенә алып барды.

Шоу-бизнес

"Болгар радиосы" премиясе серләре: Илсөянең күлмәге күпме тора, өч ноталы җырларны кем коткара?

Татар эстрадасында фестивальләр артып тора һәм һәркайсының үз юнәлеше, форматы бар. Ләкин анда да, монда да нигездә бер үк җырчылар катнаша. Әйтик, популяр җырчы Илсөя Бәдретдинованың “Татар җыры”нда катнашачагын хәбәр иткән идек инде. Илсөя шулай ук “Болгар радиосы” V милли музыкаль премиясен тапшыру тантанасында да булачак икән.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла