Хәния Фәрхи: Эстрада - мәрхәмәтсез урын (2013 елгы чыгыш)

2 Августа 2017

Укылган: 3899 тапкыр

2013 елда “Татар җыры”на багышланган матбугат конференциясендә Хәния Фәрхи эстрададага мөнәсәбәте хакында белдерде: "Эстрадада биш ел балкыйсың да, сүнәсең, әмма Хәния Фәрхи исеме ташка басылган!"

Артист өчен концертта ничәнче булып чыгыш ясау бик мөһим. Язылмаган кануннар буенча, “солянка” концертларында сәхнәгә тәҗрибәсезрәк җырчыларны чыгаралар, популяр җырчылар иң соңыннан чыгыш ясый. Шуңа күрә дә концертны оештыручыларның популяр җырчыны беренче итеп сәхнәгә чыгаруы ничектер кимсетү итеп кабул ителә. Хәния Фәрхидән бу хакта сорагач, ул мондый күренешнең үзен берничек тә кимсетмәвен, ничәнче итеп куюга тыныч каравын әйтте.

"Минем Хәния Фәрхи исеме ташка басылган, 26 ел эстрадада. Русча әйткәндә, столько не живут! Эстрада шулхәтле мәрхәмәтсез урын бит ул, бер караганда. Анда биш ел балкыйсың да, сүнәсең, кызганычка каршы. Салават, Хәния, Айдар – ничектер без киләбез әле. Мин бик тыныч карыйм – мине беренче куйсалар да, уртада, азакта куйсалар да. Мин барыбер шул Хәния булып чыгам", - диде ул.

Артистлар тарафыннан мондый күренешкә үпкә белдерүчеләр бармы дигән сорауга, ул: “Сәхнә артында ишетелгәне бар, колакка андый чыш-пышлар кереп чыгып китә. Ә ул минем бер яктан керә дә, икенче яктан чыга", - дип җаваплады.


Фикерләр








Шоу-бизнес

"Болгар радиосы" премиясе: Салават Фәтхетдиновка "Алтын йолдыз" бирелмәде

9 декабрьдә Казанда "Болгар радиосы" V милли музыкаль премиясен тапшыру тантанасы узды. Тамаша узачак "Пирамида"га килеп кергәндә, артистлар сәхнә артында мәш килеп чыгышларына әзерләнә иде. Аларга комачауламас өчен залга юнәлдек.

Шоу-бизнес

“Волга-Волга”дан Антон Салакаев: “Татар телен өйрәнергә мөмкинлек бирмәделәр”

Быел Казанның популяр төркеме «Волга-Волга» оешканга 20 ел тула. Бу төркем үз җырларыннан тыш, танылган җырларны икенче стильдә, ягъни каверлар башкара. Төркемнең репертуарында шулай ук татар җырлары да бар. “Татар-информ” хәбәрчесе “Волга-Волга” төркеме солисты, сәнгать җитәкчесе Антон Салакаев белән күреште. Антон безне төркем оешкан һәм күп еллар дәвамында чыгыш ясаган урыннарга, хәзерге студиясенә алып барды.

Шоу-бизнес

"Болгар радиосы" премиясе серләре: Илсөянең күлмәге күпме тора, өч ноталы җырларны кем коткара?

Татар эстрадасында фестивальләр артып тора һәм һәркайсының үз юнәлеше, форматы бар. Ләкин анда да, монда да нигездә бер үк җырчылар катнаша. Әйтик, популяр җырчы Илсөя Бәдретдинованың “Татар җыры”нда катнашачагын хәбәр иткән идек инде. Илсөя шулай ук “Болгар радиосы” V милли музыкаль премиясен тапшыру тантанасында да булачак икән.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла