Илназ Гарипов Ольга Бузова концертында татарча җырлады!

28 Ноября 2017

Укылган: 771 тапкыр

Автор: Эльвира ШАКИРОВА
Казанда рус эстрадасы җырчысы Ольга Бузованың концерты узды. Мәскәү кунагын гореф-гадәтләргә туры китереп, бал-май белән каршы алдылар. Иң кызыгы Ольганың концертында булды: анда татарча җырладылар!
Казанда рус эстрадасы җырчысы Ольга Бузованың концерты узды. Мәскәү кунагын гореф-гадәтләргә туры китереп, бал-май белән каршы алдылар. Иң кызыгы Ольганың концертында булды: анда татарча җырладылар!




Татарча җырлаучы егет барыбызга да бик яхшы таныш җырчы Илназ Гарипов иде. Ул татар телендә ике җыр башкарды: “Яратам! Бетте китте!” һәм “Ярат син”. “Публиканың якынча 70 проценты бөтенләй татарча белмәгәч, концертта чыгыш ясарга курыккан идем. Миңа кадәр рус телендә җырлаган егет чыгыш ясаганда, “Бузова!” дип кычкырганнарын күргәч, бигрәк тә куркып калдым. Тик халык арасында миңа кушылып җырлаучылар шактый булып чыкты, “Бузова” дип кычкырырга ирек бирмәделәр. Аннан соң да чыгышыма карата негатив фикер әйтүче булмады. Киресенчә, татарларда шундый җырлар барлыгын белмәдек, диделәр”, - дип сөйләде “Татар-информ” хәбәрчесенә Илназ Гарипов.

Илназ әйтүенчә, моңа кадәр рус йолдызы концертында татар эстрадасы җырчысының татар телендә җырлаганы булмаган. “Монда оештыручыларның да өлеше зур. Ольганың үзе белән аралашмадык, әмма исәнләштек. Сольный концерты алдыннан аны борчырга теләмәдем. Ул әхлак ягыннан да матур булмас иде. Ольга гримеркада үз чыгышына әзерләнде. Аңа карата каршылыклы фикерләр күп булса да, шәхсән мин аны тырышлыгы өчен хөрмәт итәм”, - дип белдерде Илназ Гарипов.

«Илназ Гарипов үзебезчә, татарча җырлады. Иң кызыгы – тамашачы Бузовага килдек дип тормады, Гариповның да җыр сүзләрен белеп, кушылып җырлады. Горурланып тордым әле”, - дип язган җырчы Алинә Сафиуллина.

Концертта шулай ук чыгыш ясаган Илназ Сафиуллин ике җырын да рус телендә башкарды.






Фикерләр








Шоу-бизнес

Дилия Әхмәтшина: “Үзгәреш җиле киләчәккә өмет белән исте”

“Ямьле” төркеме җырчысы Дилия Әхмәтшина “Үзгәреш җиле”ндә катнашты да, шундук Гарәп Әмирлекләренә китеп барды. Ни сәбәпле шулай ашыгыч рәвештә чит илгә китүе турында Дилия Интертатка сөйләде.

Шоу-бизнес

Салават Миңнеханов: “Әпипә” җырының мәгънәсенә төшенергә кирәкми

Быелгы “Үзгәреш җиле”ндә тәүге тапкыр татар эстрадасы артисты Салават Миңнеханов катнашты. “Күпме күзләр күреп онытылган” җыры белән чыгыш ясаган Салават “Үзгәреш җиле” турындагы уй-фикерләрен “Интертат”ка сөйләде.

Шоу-бизнес

“Волга-Волга”дан Антон Салакаев: “Татар телен өйрәнергә мөмкинлек бирмәделәр”

Быел Казанның популяр төркеме «Волга-Волга» оешканга 20 ел тула. Бу төркем үз җырларыннан тыш, танылган җырларны икенче стильдә, ягъни каверлар башкара. Төркемнең репертуарында шулай ук татар җырлары да бар. “Татар-информ” хәбәрчесе “Волга-Волга” төркеме солисты, сәнгать җитәкчесе Антон Салакаев белән күреште. Антон безне төркем оешкан һәм күп еллар дәвамында чыгыш ясаган урыннарга, хәзерге студиясенә алып барды.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла