Гөлназ Асаеваның әнисе Лилия Биктимерова: Кызым кияүгә чыкмый калыр дип куркам

14 Мая 2018

Укылган: 4022 тапкыр

Автор: Юлия НАСЫЙБУЛЛИНА
Фото: asaeva_official
Рөстәмнең хатыны Айгөл белән концертта беренче тапкыр күрешәчәкбез, ди Гөлназ Асаеваның әнисе Лилия Биктимирова. Ике гаилә дустанә мөнәсәбәттә яшәсәләр дә, хатыннарның моңарчы күзгә-күз күрешкәннәре булмаган икән...
- Лилия ханым, Гөлназның Казанда узачак концертына әзерлек башландымы әле?

- Әйе, әзерләнәбез. Гөлназның концертын ике әтисе бергә алып барачаклар. Бу фикерне Рөстәм тәкъдим итте, Фәдис каршы килмәде. Бик матур килеп чыгар дип өметләнеп калабыз.

- Асаевлар гаиләсе белән аралашып яшисезме?

- Әлбәттә, дустанә мөнәсәбәттә яшибез. Мин Рөстәмнең әти-әнисенә әле һаман да әткәй-әнкәй дип эндәшәм. Рөстәмнең гаиләсе белән "заочно" таныш. Улы Мөслимне күргәнем бар, ә Әминәне Гөлназ күрсәтте. Хатыны Айгөл белән концертта беренче тапкыр күрешәчәкбез.

- Ике әтиле Гөлназны балалар ничек кабул итә?

- Улыбыз Кәрим Рөстәмне телевизордан күргәч, апаның әтисе, ди. Ә Рөстәмнең балалары Фәдисне күргәч, Гөлназ апаның әтисе, диләр икән. Менә шулай бик күңелле бездә.

- Гөлназ турында начар сүз әйтсәләр, сез ничек кабул итәсез? Каршы як белән элемтәгә кереп, якаларына ябышканыгыз бармы?

- Юк. Бервакытта да Гөлназ өчен кеше белән ачуланышып йөргән булмады. Без аны кечкенәдән үзе өчен үзе җавап бирә ала торган итеп тәрбияләдек. Мин, мәсәлән, 10 яшьтә әнисез калгач, шул яшемдә үк үзем өчен җавап бирергә өйрәнгән идем.

- Кызыгызның киләчәген ничек күз алдына китерәсез?

- Һәр ата-ана баласының биек үрләр яулавын тели. Барысы да Аллаһ кулында. Иң мөһиме - исән-сау булсыннар, акыллы, иманлы булып яшәсеннәр.

- Сез ана кеше буларак Гөлназга тормыш итү өчен нинди ир сайларга кирәклеге турында киңәшләр бирәсезме?

- Баштарак киңәшләр бирә идем. Бервакыт Гөлназ "Әни, ирне үзең генә сайлап бир дә инде алайса" дигәннән соң кысылмый башладым.

- Хатын-кыз иҗатка баш-аягы белән чумса, гаилә икенче планга күчә. Гөлназ кияүгә чыкмый калыр, дип курыкмыйсызмы?

- Куркам. Бүгенге көндә аның өчен иҗат беренче урында тора. Әтисе Фәдис аңа "кызым, хатын-кыз өчен иң әйбәт һөнәр, уңышлы итеп кияүгә чыгу, матур гаилә корып, иманлы балалар тәрбияләү" дип көне-төне тукый инде. Барысы да Аллаһ кулында, хәерлесен насыйп итсен!

Фикерләр








Шоу-бизнес

“Кәкре аяклар хәзер модада”, яки иске авыздан иске сүз: Гөлназ Сәфәрова ТНВда яңа тапшыру тәкъдим итә

18 майда Казан рестораннарының берсендә ТНВ каналында иң югары рейтинглы булырга тиеш дип планлаштырылган проект - “Мин” тапшыруының презентациясе булды. Бу тапшыру мода, стиль, иң мөһиме – хатын-кызларның тышкы һәм эчке дөньясын үзгәртүгә багышланган. “Татар-информ” хәбәрчесе тапшыруны әзерләүчеләр белән сөйләште.

Шоу-бизнес

Гөлназ Асаеваның әнисе Лилия Биктимерова: Кызым кияүгә чыкмый калыр дип куркам

Рөстәмнең хатыны Айгөл белән концертта беренче тапкыр күрешәчәкбез, ди Гөлназ Асаеваның әнисе Лилия Биктимирова. Ике гаилә дустанә мөнәсәбәттә яшәсәләр дә, хатыннарның моңарчы күзгә-күз күрешкәннәре булмаган икән...

Шоу-бизнес

Рөстәм Насыйбуллин: Тагын берничә елдан ветераннар турында сагынып сөйләргә генә калачак

Ватан, сугыш турындагы җырларны яратып җырлыйм. Кан койгыч сугышны үз күзләре белән күреп, безгә җиңү китергән санаулы ветераннар каршында бүген чыгыш ясый алуым белән горурланам. Чөнки тагын берничә елдан алар турында сагынып сөйләргә генә калачак, ди Казан шәһәр филармониясе солисты Рөстәм Насыйбуллин.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла