Фирдүс Тямаев: Тамашачы кул чапмас дип курыктым! (фоторепортаж)

30 Сентября 2017

Укылган: 2996 тапкыр

Автор: Эльвира ШАКИРОВА
Фото: Эльвира ШАКИРОВА
Көз җитү белән эстрадада яңа сезон ачыла, артистлар тамашачыга җәй буе әзерләгән яңа программасын тәкъдим итә башлый. 28 сентябрь көнне Казанда эстрада сезоны ачылды.

Яңа сезон булгач, артистларның күпчелеге яңа җырлары белән чыгыш ясады. Бәлки шуңамы, тамашачы җырчыларның иҗат җимешләрен төрлечә кабул итте. Концертта Салават Миңнеханов һәм Гүзәлем, Дилә һәм Булат Нигъмәтуллиннар, Хәмдүнә Тимергалиева, Нәфкать Нигъмәтуллин, Ләйсән Гыймаева, Эльмира Сөләйманова, Ришат Фазлыйәхмәтов, Илдар Әхмәтов, Раяз Фасыйхов, Рөстәм Закиров, Артур һәм Марат, Чәчкә, Илназ Гарипов һәм башкалар катнашты. Шуны да әйтергә кирәк, концертта моңсу җырлар күбрәк яңгырады.

"Икенче бүлектә җырлауның бер начар ягы бар: бөтен артист таралашып бетә язган була", - диде Лилия Муллагалиева. Лилия дә үзенең чыгышыннан соң өенә кайтырга ашыкты, чөнки туган көненә һәм Корбан ашына әзерләнүен әйтте. Аның артыннан Илдар Әхмәтов, Раяз, Алсу һәм Азат Фазлыевлар да китеп барды. Ә менә Иркә бу концертта тамашачы ролендә булды. Җырчы әлегә бер концертта да катнашмый икән, октябрьдә узачак концертына әзерләнә.


Тамаша Фирдүс Тямаевның чыгышы белән тәмамланды. "Концерт буе түзеп утырганыгыз өчен рәхмәт. Тамашачы арып, кул да чапмас инде, дип курыккан идем", - дип килеп чыкты ул. Фирдүс башка артистлардан аермалы буларак, барлыгы дүрт җыр башкарды. "Тямай тагын иске җырларын җырлады", - дип уйлагансыздыр. Сезгә "Ташлап китмә, әнкәй" исемле яңа җыр башкарырга телим. Сезнең алда күңелсез җыр башкарганым юк иде, бәлки ошар. Әнием бу җырны тыңлый алмый, елый", - дип Фирдүс яңа җырын тәкъдим итте. Җыр, чынлап та, күңелгә үтеп керерлек булды.

Концертны Айрат Ильясов белән Гөлназ Сәфәрова алып барды. Алар тамашачыга күтәренке кәеф, елмаю, шаян мәзәкләр генә түгел, хәтта бүләкләр дә бүләк итте. 








































Фикерләр








Шоу-бизнес

"Болгар радиосы" премиясе: Салават Фәтхетдиновка "Алтын йолдыз" бирелмәде

9 декабрьдә Казанда "Болгар радиосы" V милли музыкаль премиясен тапшыру тантанасы узды. Тамаша узачак "Пирамида"га килеп кергәндә, артистлар сәхнә артында мәш килеп чыгышларына әзерләнә иде. Аларга комачауламас өчен залга юнәлдек.

Шоу-бизнес

“Волга-Волга”дан Антон Салакаев: “Татар телен өйрәнергә мөмкинлек бирмәделәр”

Быел Казанның популяр төркеме «Волга-Волга» оешканга 20 ел тула. Бу төркем үз җырларыннан тыш, танылган җырларны икенче стильдә, ягъни каверлар башкара. Төркемнең репертуарында шулай ук татар җырлары да бар. “Татар-информ” хәбәрчесе “Волга-Волга” төркеме солисты, сәнгать җитәкчесе Антон Салакаев белән күреште. Антон безне төркем оешкан һәм күп еллар дәвамында чыгыш ясаган урыннарга, хәзерге студиясенә алып барды.

Шоу-бизнес

"Болгар радиосы" премиясе серләре: Илсөянең күлмәге күпме тора, өч ноталы җырларны кем коткара?

Татар эстрадасында фестивальләр артып тора һәм һәркайсының үз юнәлеше, форматы бар. Ләкин анда да, монда да нигездә бер үк җырчылар катнаша. Әйтик, популяр җырчы Илсөя Бәдретдинованың “Татар җыры”нда катнашачагын хәбәр иткән идек инде. Илсөя шулай ук “Болгар радиосы” V милли музыкаль премиясен тапшыру тантанасында да булачак икән.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла