Артистлар Зәйнәб Фәрхетдинованы сәхнә артында ничек котлаган? (видео)

1 Октября 2017

Укылган: 1605 тапкыр

Автор: Эльвира ШАКИРОВА
Казанның Спорт Сараенда Татарстанның халык артисты Зәйнәб Фәрхетдинованың юбилей концерты узды. Татар эстрадасы кызлары юбилярга истәлекле һәм телне йотарлык бүләк ясады - торт бүләк итте. Чарада "Татар-информ" хәбәрчесе дә катнашты.

Мәңге яшь, чибәр, халкыбызның яраткан кызы Зәйнәб өчен безнең килү зур сюрприз булды. Без аны беренче бүлектән соң сәхнә артында Салават Фәтхетдиновның "Туган көн" җырын җырлап каршы алдык. Боларны җырчы Фирдүс Тямаев үзенең телефонына төшереп торды. Зәйнәб ханым шаккатуыннан туктап калды, аннары нәни баладай чын күңелдән шатланды. "Кызлар, мине "Кызлар пати"га аласызмы?" - дип тә сорады. Шулай итеп, киләсе Кызлар патида Зәйнәб Фәрхетдинова да булыр дип өметләнәбез.

Тортка килгәндә, аны барыбыз исеменнән Айгөл Бариева ясатты. Ул - шоколадлы, катлам аралары карамель һәм чикләвекләр белән ясалган. Тортның түбәсендә Зәйнәб үзе басып тора, нәкъ сәхнәдәгечә - кулына микрофон тоткан. Ян-ягында - ноталар һәм 50 саны. Торт астына "ЯРАТАБЫЗ" дип язылган, бу сүзләрне моң алиһәсенә һәркайсыбыз чын күңелдән җиткерде. Зәйнәб Фәрхетдинова кызларның һәрвакыт актив һәм бердәм булуларын әйтеп, рәхмәтләрен белдерде.















Фикерләр








Шоу-бизнес

"Болгар радиосы" премиясе: Салават Фәтхетдиновка "Алтын йолдыз" бирелмәде

9 декабрьдә Казанда "Болгар радиосы" V милли музыкаль премиясен тапшыру тантанасы узды. Тамаша узачак "Пирамида"га килеп кергәндә, артистлар сәхнә артында мәш килеп чыгышларына әзерләнә иде. Аларга комачауламас өчен залга юнәлдек.

Шоу-бизнес

“Волга-Волга”дан Антон Салакаев: “Татар телен өйрәнергә мөмкинлек бирмәделәр”

Быел Казанның популяр төркеме «Волга-Волга» оешканга 20 ел тула. Бу төркем үз җырларыннан тыш, танылган җырларны икенче стильдә, ягъни каверлар башкара. Төркемнең репертуарында шулай ук татар җырлары да бар. “Татар-информ” хәбәрчесе “Волга-Волга” төркеме солисты, сәнгать җитәкчесе Антон Салакаев белән күреште. Антон безне төркем оешкан һәм күп еллар дәвамында чыгыш ясаган урыннарга, хәзерге студиясенә алып барды.

Шоу-бизнес

"Болгар радиосы" премиясе серләре: Илсөянең күлмәге күпме тора, өч ноталы җырларны кем коткара?

Татар эстрадасында фестивальләр артып тора һәм һәркайсының үз юнәлеше, форматы бар. Ләкин анда да, монда да нигездә бер үк җырчылар катнаша. Әйтик, популяр җырчы Илсөя Бәдретдинованың “Татар җыры”нда катнашачагын хәбәр иткән идек инде. Илсөя шулай ук “Болгар радиосы” V милли музыкаль премиясен тапшыру тантанасында да булачак икән.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла