Татарстанның атказанган артисты Винарис Илъегет «ТНВ»ның «YouTube» каналында чыга торган «Ә Син?» тапшыруында кунакта булган. Биредә ул үзенә бик тә оят булган бер вакыйгасын сөйләгән.
«Хәмдүнә апа белән эшләгәндә, Балык Бистәсенә концерт белән килдек. Сәхнәгә чыгар алдыннан каеш тагарга онытканмын. Анда мин: «Мин – Юанша», – дип тамашачы янына йөгереп чыгарга тиеш идем. Ыштаным төште дә китте. Шунда мин, чын әйтәм, бик каты оялдым», – дип сөйләгән Винарис.
Винарисны халык дәррәү алкышлый башлаган. Ә ул оялып кереп киткән һәм аны сәхнәдә Хәмдүнә Тимергалиева алыштырган.