Россия Президенты Владимир Путин РФ Тышкы эшләр министры Сергей Лавровны югары дәүләт бүләге – Андрей Первозванный ордены белән бүләкләү турындагы указга кул куйды. Указ хокукый актларны рәсми бастырып чыгару сайтында урнаштырылган.
Сергей Лавровка бүген 75 яшь, ул – бүгенге көндә иң тәҗрибәле министрларның берсе. 2004 елдан бирле Тышкы эшләр министры булып тора. Ул камил дәрәҗәдә инглиз һәм француз телләрен белә, дип хәбәр итә «АиФ».
«Ватан алдындагы зур казанышлары, Россия Федерациясенең тышкы сәяси курсын эшләүгә һәм гамәлгә ашыруга зур өлеш кертүе, күпьеллык нәтиҗәле дәүләт эшчәнлеге өчен», – дип ассызыклана Россия лидеры Указында.
