Свердловск өлкәсенең Ис бистәсендә 19 мартта иртәнге 3ләр тирәсендә янгын чыга. 3 фатирлы йортта 4 кеше һәлак була. Бу турыда «Комсомольская правда» хәбәр итте.
Коткаручылар хәрабәләрне актарганда, 40 яшьлек хатын-кыз, аның 16 яшьлек кызы, 10 һәм 11 яшьле ике улының мәетен таба.
Янгын бер фатирның кухнясында чыккан, дип фаразлана.
«2003 елда туган олы кызы котыла алган. Ул күкрәк баласын алып, утттан чыккан», – дигәннәр Свердловск прокуратурасы матбугат хезмәтендә.
«КП» белешмәсе буенча, мәрхүмә хатын Алена исемле, исән калган кыз Дарья.
Янгын сәбәбен әлегә төгәл ачыкламаганнар. Өйдә 3 гаилә – барлыгы 9 кеше теркәлгән. Тикшерү эшләре бара, диелә хәбәрдә.