Башкортстанда 1 апрельгә каршы төндә фаҗига була. Белорет районындагы Железнодорожный авылында 4 кеше янып үлә. Бу турыда «Башинформ» хәбәр итте.
Янгын турында соң хәбәр итү сәбәпле, коткаручылар килгәндә өй, мунча дөрләп яна, ут автомобильләргә дә күчкән була.
Утны ярты сәгать эчендә чиклиләр. Хәрабәләр арасында 4 мәет табыла. Биредә 1967 елда туган ир-ат, 1991 елда туган хатын-кыз һәм 3 яшьлек кыз белән 1 яшьлек малай һәлак була.
Урынга Башкортстан буенча Гадәттән тыш хәлләр министрлыгы идарәсе башлыгы Марат Латыйпов барган. Өйдә янгын турында кисәтә торган җайланма булмавы билгеле. Тикшерү эшләре бара, диелә хәбәрдә.
Соңрак билгеле булганча, Россия Тикшерү комитетының Башкортстан буенча Тикшерү идарәсе җинаять эше ачкан.
Янгында һәлак булучылар 3 яшьлек кыз, 1 яшьлек малай һәм аларның 32 яшьлек анасы белән 56 яшьлек бабасы булган.