Ставрополь краеның Богомолов хуторы янында «Ту-22М3» самолеты һавада яна башлап, җиргә төшеп бәрелгән. Бортта 4 очучы булган. Бу хакта Россия Оборона министрлыгы раслады, дип яза «База» Телеграм-каналы.
2 очучыны тапканнар. Аларны хастаханәгә алып киткәннәр.
Беренче мәгълүматлар буенча, тагын 1 очучы катапульта ясарга өлгергән, әмма ул һәлак булган.
Дүртенче очучының язмышы әлегә билгеле түгел.
Министрлык хәбәр иткәнчә, самолет хәрби бурычын үтәп, аэродромга кайтканда һәлакәткә очраган. Якынча мәгълүматлар буенча, һәлакәт сәбәбе – техник төзексезлек. Самолет бортында боекомплектлар булмаган, диелә хәбәрдә.