«Социаль челтәрләрдәге роликны кабатлаган»: 9 бала зыян күргән, берсе хастаханәдә

Мәскәү өлкәсендәге Истра шәһәре мәктәбендә «бомбочка» – хлопушка шартлап, 9 бала зыян күргән. Укучы, шаяртырга теләп, дусты портфеленә химик катнашма тутырылган пакет салган. Пакет шартлагач, кабинетта ачы ис тарала. Яшүсмерләрнең хәле начарлана, 1 кызны токсик агулану белән хастаханәгә салалар.

Мондый «бомбочкалар» белән уеннар күптән түгел яшьләр арасында яңа трендка әйләнгән, аларны популяр маркетплейсларда сатып алырга мөмкин, дип яза «РЕН ТВ» сайты.

Әлеге мәктәптә булган вакыйгада, балаларның күбесе курку белән котылган. Кечкенә «бомбочка» – ул шартлаткыч пакет – күп балалар өчен яңа күңел ачу чарасы. Социаль челтәрләрдә яшүсмерләр арасында бу «бомбаларны» шартлата торган роликлар таралган. Истра мәктәп укучылары да шуны ук эшләргә теләгәннәр.

Шартлаткыч пакетлар – пиротехника түгел. Шуңа күрә аларны сатып алу шактый җиңел. Әмма ата-аналар үзләре дә балалары өчен шундый уенчыклар сатып алу очраклары бар икән.

«Шундый җиңел һәм мавыктыргыч шартлый торган уенчык балаларның игътибарын, әлбәттә, җәлеп итә. Аның «эш» принцибы гади: нибары 2 хәрәкәт – басу һәм ташлау. Ләкин пакетның эчендә химик матдәләр бар, һәм шартлаудан соң углекислый газ хасил була. Шуңа күрә мондый уенчыкны урамда гына кулланырга мөмкин. Һәм пакет шартлагач, ераграк китү яхшырак. Югыйсә пешү җәрәхәтләре алырга мөмкин», – дип яза газета хәбәрчесе.