Ришат Фазлыйәхмәтов хатыны Эльмира (Тәтишка) белән студиядә төшкән фотоны социаль челтәргә куйган иде. Шул арада тамашачылар җырчының тормыш иптәше дә сәхнәгә җыенамы, дуэт буламы дип, кызыксына башлаган.
Шул уңайдан Ришат ачыклык керткән.
«Юк, дуслар, Тәтишканы җырлатмыйм да, сәхнәгә дә чыгармыйм. Бары тик Тәтишканы җырларга гына өйрәтәм. Шул гына, яме. Үзем бар – шул җитә. Гаиләдә бер җырчы җитә, артыгы кирәкми», – дип шик-шөбһәләрне тарата артист.