«Ак Барс» хоккей клубы дикторы, концертлар оештыру белән шөгыльләнүче Наил Сәлахов татар эстрадасының «ике секс-символын» атаган. Аны фикеренчә, бу исемгә эстрадага яңа сулыш булып килеп кергән Альберт Вәлиуллин һәм Гөлназ Асаевалар лаек.
«Мин хәзер экраннар яныннан күптән се… булмаган кызларның китеп торуын сорар идем. Чөнки мин бүген татар эстрадасының яңа секс-символы – Альберт Вәлиуллин концертында эшлим.
Әгәр дә хатын-кызлар өчен татар эстрадасының яңа секс-символы Альберт Вәлиуллин булса, ир-атлар өчен дә секс-символ бар. Ул – барыгыз да яраткан Гөлназ Асаева», – дигән ул.
Кичә Казанда Альберт Вәлиуллинның беренче концерты узды. Анда, махсус кунак буларак, Гөлназ Асаева да чыгыш ясады.
