Маргарита Симоньян, Украинадагы конфликт быел төгәлләнергә мөмкин, дип фаразлады

Украинадагы коралланган каршылык быел, 2025 елда, төгәлләнергә мөмкин. Бу фаразны «RT» телеканалы баш мөхәррире Маргарита Симоньян әйткән, дип яза «Татар-информ».

Медиаменеджер «Россия 1» телеканалында «Вечер с Владимиром Соловьевым» тапшыруында геосәяси вазгыятьне үстерү перспективалары турында үз күзаллаулары белән уртаклашкан.

«Әгәр бөтенләй көтелмәгән бернәрсә килеп чыкмаса, Аллаһ ярдәме белән, быел бу конфликт тәмамланачак», – дигән Симоньян (РИА «Новости» цитатасы).