Данир Сабиров социаль челтәрдәге сәхифәсендә Марат кушаматлы маймылларын күрсәтте. Алар аны олы кызлары Мәрьямнең туган көненә бүләк иткән иде. Әмма аннары озак күрсәтмәделәр. Ә халык көтте: кемдер, маймыл бүләк итү – шаяру булган, дип уйлаган, күбесе маймылның үсеп китүе, киемнәре матур булуы турында һәм аны алга таба күбрәк күрсәтүне, үзе киенү-киенмәвен дә сорап язган. «Малайлы да булдың», – дигән комментарий да бар.
Видеоларда күренгәнчә, маймыл, тулы гаилә әгъзасы кебек, табын артында чәй эчеп утыра. «Безнең бар да яхшы, Марат кайтты. Ул баллы чәй ярата, 3 кашык шикәр комы салабыз», – дип белдерә Данирның хатыны Миләүшә.
Маймыл артистның алдында төшке аш ашый, аннары җырчы белән чираттагы концертларга чакыруда катнаша. Артист аңа татар телен белергә кирәклеге турында гел әйтеп тора.