КВН чемпионы, «Азия микс» командасында уйнаган Марат Джуманалиев Кыргызстанда 43 яшендә вафат булган. Бу турыда Лайф хәбәр итте.
«Безнең олы абыебыз Марат бу дөньядан китте. Ул бик яхшы абый иде. Бәхетсезлек очрагы булды», – дигән мәрхүмнең дусты Абдурахман Муртазалиев.
Кыргызстан басмалары белешмәсе буенча, артист өендә үлә. Үлем сәбәбе – ялгыш егылу: ул башын бик каты имгәткән.
Джуманалиев популяр боксчылар, шул исәптән Николай Валуевның спарринг-партнеры булып та чыгыш ясый иде. Рэпер Тиматиның җансакчысы да була. Соңгы елларда ул Кыргызстанда хәйриячелек белән шөгыльләнә.
Марат Джуманалиевны 15 мартта Бишкәк мәчетендә соңгы юлга озаталар, диелә хәбәрдә.