Барлык язмалар news_header_top_970_100
news_header_bot_970_100
Язманы тыңлагыз

Кибеттәге кебек йөземле кекс рецепты

news_top_970_100
Кибеттәге кебек йөземле кекс рецепты
Ләйсән Вәлиева фотосы

Кулинария, буфетларда тәкъдим ителә торган йөземле кексны тагын да тәмлерәк итеп өйдә пешерергә мөмкин.

Камыр өчен кирәк: 3 йомырка, 170 г ак май, 170 г шикәр комы, 170 г йөзем, 220-250 г он, 1 чәй кашыгы ванильле шикәр, ярты чәй кашыгы камыр көпшәкләндергеч (разрыхлитель), 1 чеметем тоз, 1 аш кашыгы шикәр оны.

Йөземне ярты сәгать җылы суда тотарга, аннары кипшетеп, 1-2 аш кашыгы онда әвәләп алырга.

Камыр ясаганда, иң элек, йомыркаларны бер чеметем тоз белән болгатып куярга. Шуннан соң аерым савытта йомшак ак майны шикәр комы һәм ванильле шикәр белән бутарга. Әлеге массага аз-азлап йомырканы өстәргә. Аннары йөземне кушарга. Соңыннан он һәм камыр көпшәкләндергеч салып бутарга.

Табаны яки ипи формасын майларга, пергамент җәяргә. Камырны формага бушатырга, өстендә уртадан буйдан-буйга пычак яки кашык белән 1-2 сантиметр тирәнлектә буразна сызарга.

170 градуска кадәр кызган газ мичендә 1-1,5 сәгать тирәсе пешерергә. Камырның эче пешкәнен шырпы кебек таякчык белән төртеп карап тикшерергә кирәк.

Кекс суынгач, өстен шикәр оны сибеп бизәргә. Табынга кисәкләргә бүлеп чыгарырга.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100