Прагада табиблар, башка пациент белән бутап, сау-сәламәт хатын-кызга аборт ясаган. Бу турыда «База» телеграм-каналы яза.
Бу коточкыч хатаны «Буловка» гинекология һәм акушерлык хирурглары ясаган. 25 мартта аларга 2 пациентка килә: берсе йөклелек буенча планлы каралуга килә, икенчесе операция көтә, бу операция аналык авыруларын дәвалаганда ясала (әмма йөклелекне өзү өчен дә ясалырга мөмкин). Хатын-кызларның икесе дә чех телен белмәгән, ә клиникада тәрҗемәче булмаган.
Очраклылык белән, табиблар авырлы хатынга операция ясый. Ул сау-сәламәт баласын югалта. Чехиянең Пациентлар союзы директоры Любош Олеяр сүзләренчә, клиника җитәкчелеге атна буе бернәрсә эндәшмәгән һәм пациенткадан гафу үтенмәгән. Ул, бу ялгышның сәбәбе квалификацияле кадрлар җитмәү булырга мөмкин, дип саный.
Соңрак «Буловка»да хәбәр итүләренчә, бу фаҗигагә катнашы булырга мөмкин барлык табиблар да эштән читләштерелгән. Зыян күргән хатынга һәм аның гаиләсенә компенсация түләргә вәгъдә иткәннәр. Чехиянең Сәламәтлек саклау министрлыгы пациентканың кайгысын уртаклашкан. Хәзер бу эшне тикшерүчеләр ачыклый.