Петербургта мәктәп укучысы «А» тибындагы грипптан вафат булган. Кыз берничә көн дәвамында 40 градус температура белән яткан һәм сулый алмый башлаган.
SHOT мәгълүматлары буенча, 10 яшьлек кыз соңгы көннәрдә Жуковский урамындагы фатирда дәваланган. Берничә көн югары температура белән ятканнан соң, ул сулыш ала алмый башлаган. Әти-әнисе йөрәк-үпкә реанимациясен үткәреп, аның сулышын кайтарырга тырышып караган, ә аннары «ашыгыч ярдәм» чакырткан.
Килгән табиблар да баланы коткарырга тырышып караган, ләкин чакырудан соң сәгать ярым узгач, алар мәктәп укучысының үлемен раслаганнар – ул хастаханәдә үлгән. Сәбәбе – «А» тибындагы грипп нәтиҗәсе, диелә.