3 апрельдә Татарстанда аязучан-болытлы һава торышы була. Урыны белән бераз яңгыр явачак. Төньяк-көнбатыштан 6-11 метр тизлектә, көндез урыны белән 15-17 метр тизлектә көчле җил. Төнлә һава температурасы +2..+7˚, көндез +7..+12˚ градус.
Үсүче ай, ай Игезәкләр йолдызлыгында.
Бүлмәдә үсә торган үсемлекләргә, рассада су сибү өчен уңышсыз вакыт. Туфракны йомшартырга, шытымнарны сирәкләргә була. Һава торышы шартлары мөмкинлек биргәндә, күпьеллык чәчәкләрне бүләргә, күчереп утыртырга, ашларга ярый.