Юка бозда афәт көтә: Әгерҗедә балыкчы боз астына төшеп үлгән
Фаҗига Иж елгасында булган.
Удмуртиядән Әгерҗе районындагы Иж елгасына балык тотарга килгән өч кеше өчен кичәге көн фаҗигале тәмамлана. Балык тоту урынына барып җиткәч, балыкчыларның берсе машинада кармакларын калдырганын абайлап ала һәм кире борыла. Кире килгәндә, балыкчы бер иптәшенең кул болгавына игътибар итә, ә икенчесе бу вакытта суга бата башлаган була. Балыкчы кичекмәстән ашыгыч ярдәм чакырта.Әмма фаҗига урынына килгән МЧС хезмәткәрләре баткан балыкчыны коткара алмый. Суда тончыгып үлгән 50 яшьлек балыкчының үле гәүдәсен полициягә тапшыралар, дип хәбәр итә "Татарстан 24" телеканалы.