Түбән Камадагы триллер: бөтен подъезд халкы җыелып җирләгән эт җир астыннан терелеп чыккан

18 Января 2018

Укылган: 2712 тапкыр

Бу вакыйганы НТР телеканалы Стивен Кингның «Кладбище домашних животных» китабының дәвамы дип атарлык дип саный. Дару биреп йоклатып үтерелгән эт җирләнгәннән соң кабереннән чыккан.
29 декабрьдә Зевс, үзе кебек үк сукбай этләр белән Химиклар урамын чыгып барганда машина астына керә. Бер эт шунда ук үлә, ә Зевсның аягы яралана. Балалар аны йортның ишегалдына алып кайта. 

Йортты яшәүчеләр ветеринарны чакыра. Табиб этне йоклатырга кирәк дип әйтә. Күршеләр, акча җыешып, ветеринарга 5 мең сум акча бирәләр. Ул укол ясый, этне күмәләр. 

Ә икенче көнне эт шушы ук подъездга әйләнеп кайта. 
 
Берәүләр моны тормышны ярату дип бәяли. Икенчеләре исә, табиб алдаган, акча гына алган да ялган укол кадаган ди. 

"Ул бәйрәм алдыннан буш булган бердәнбер ветеринар иде. Эт кире әйләнеп кайткач, без ул ветеринарга барып, эткә ярдәм күрсәтүен сорадык, әмма ул вакыты юклыкка сылтау итеп, баш тартты", - ди Гөлнара Гомәрова.

Ветеринар исә моның белән килешми. «НТР 24»каналына ул бөтенләй башкача сөйләгән.  

- Мин авыруны баса торган һәм йоклата торган укол ясадым. Бетте-китте. Ә аларның этне күмүенә килгәндә... Мин аларның этне алып китүләрен күрдем, кая алып киткәннәрен каян белим? - ди ветеринар Аделина Камалиева.


Аделина әйтүенчә, бу аның практикасындагы беренче очрак. Аңа моңа кадәр дәгъва белдерүчеләр булмаган. 
 

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла