Лениногорскида 65 яшьлек ир улын атып үтергән һәм киленен яралаган

17 Октября 2017

Укылган: 1024 тапкыр

14 октябрь кичендә Лениногорск районының Савочкино авылы, Лесная урамында 32 яшьлек ир-ат мәете табыла. Әлеше факт буенча Лениногорск районының Тишкерү комитеты тарафыннан җинаять эше ачылган. Бу хакта "Вечерние Челны" газетасы яза. 
ТР Тикшерү комитеты хәбәр иткәнчә, 65 яшьлек әтисе әлеге җинаятьне кылуда шикләнеп, кулга алына.

Тикшерү версиясе буенча, һәлак булган ир-ат хатыны һәм  4 яшьлек баласы белән әти-әнисенә кунакка килә. Исерек әти кеше һәм улы арасында низаг килеп чыга, әти кеше кулына пычак алып улына яный башлый, - дип яза "Вечерние Челны" газетасы

Бу хәлдән соң кунаклар китәргә уйлыйлар, такси чакыралар һәм урамга чыгалар. Улы китәр алдыннан кисәү агачы белән тәрәзә пыялаларын вата. Әтисе, ике көпшәле мылтык белән коралланып, улы артыннан чыга. Гаепләнүченең  кулында корал күреп, килене җиргә ята һәм гәүдәсе белән баласын каплый. Ә вафат булган ир үз чиратында аларны каплап ята. 

Әти кеше улына ата, ядрә күкрәк читлегенә эләгә. Алган ярадан ир-ат фаҗига урынында һәлак була. Шулай ук, гаепләнүче улының хатынын да яралый. 

Хәзерге вакытта ир-ат үз гаебен таныган. Ләкин кылган җинаяте өчен үкенми.

Дәлилләр туплау һәм аларны ныгыту буенча тикшерү эшләре бара. Җинаять эшен тикшерү дәвам итә.  


Фикерләр








БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла