“Киемнәре тәненә эреп ябышкан иде, хастаханәдә җан бирде”

26 Октября 2017

Укылган: 2490 тапкыр

Чаллыда 62 яшьлек ханым үз өендә, янгын аркасында вафат була.

Узган төндә Чаллы шәһәренең 41/03 йортында янгын чыга. 6 каттан төшкән төтен исен иң элек күршеләре сизеп ала. Янгынның кайсы фатирда чыгуын да чамалыйлар. Әлеге катта 62 яшьлек ханым япа-ялгы көн күрә. Бәхетсезлек очрагын булдырмас өчен, күршеләр шундук янгын сүндерү хезмәтенә шалтырата. Янгын сүндерү машинасы да санаулы минутлар эчендә эчендә килеп җитә. Ялгыз ханымны ут эченнән алып чыгалар-чыгуын. Тик гомер көзенә кергән хатынның инде гомере кыл өстендә була.

Коткаручылар 62 яшьлек хуҗабикәне аш бүлмәсендә таба. Ул аңында булмый, тәненең күп өлеше пешкән.

Әлеге өйдә, хәтта аш бүлмәсендә дә янган җиһазлар, чүпрәк-чапрак юк. Бары тик ханымның өстендәге киемнәре генә янган.


Беренче ярдәм вакытында күрсәтелсә дә, табиблар хатынның гомерен саклап кала алмый. Өченче дәрәҗә пешү диагнозы куелган ханым реанимациядә җан бирә. Хәзер янгынның сәбәпләре ачыклана. Беренчел фараз: ут белән сак эш итмәү. Шуның аркасында әлеге ханымның киеменә ут кабарга мөмкин. 

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла