Хатыны белән сөяркәсе Илдусны вәхшиләрчә үтергән дип фаразлыйлар
Узган елның декабрендә 52 яшьлек Илдус Кәримовны кыйнап үтергәннәр.
Тикшерүчеләр үтерелгән ир мәетендә кырыкка якын пычак белән кадау эзе санаган.
52 яшьлек ирнең мәетендә күкрәгенә һәм башына бик күп тапкыр пычак белән яралаган эзләр булган. Ирне күршеләре подъездда табып алган. Шул урында гына пычаклар булган. Бу кешене өч пычак белән кыйнаганнар, дип хәбәр итә "Татарстан24" телеканалы.
Үтереш булган көнне фатирга кунакка хатынның сөяркәсе килгән. Алар бергә эчкәннәр, шуннан соң көнләшеп җәнҗал чыккан һәм бу ирне үтереп ташлаганнар, дип фаразлыйлар.Кичә Илдусның хатыны һәм аның сөяркәсенә карата суд тикшерү эшен башлады. Алар гаепләрен танымый.
Һәлак булган ирнең туганнары әйтүенчә, ул бу хатын белән үләргә берничә ай кала танышкан булган.