Казанда кич өенә кайткан 19 яшьлек кызның артыннан кереп, көчләп чыгып киткәннәр
Казанда полиция 19 яшьлек кызны көчләүче җинаятьчене эзли. Бу турыда Россия Эчке эшләр министрлыгының Казан буенча идарәсе матбугат хезмәте хәбәр итә.
Кыз 25 декабрьдә гариза язган. Ул төнге унбер тирәсендә өенә кайтып барганда, ишекне ачкач, арттан билгесез кеше килеп кергән һәм көчләгән. Бу очрак буенча “Сексуаль характердагы көчләү гамәлләре” һәм “Торакның кагылгысызлыгын бозу” маддәләре буенча җинаять эше ачылган. Әлеге хәбәрне "Татар-информ" агентлыгы җиткерә.
Кыз сүзләре буенча фоторобот төзелгән. Ир чама белән 30-40 яшьтә. Буе 175-180 см.
Бу кешене күрше йортлардагы видеокамералар да төшергән.
Бу җинаять турында мәгълүматка ия булган һәркемне (843) 294-50-75, 89172990671, 89655870784 номерларына шалтыратырга сорыйлар.
