Күрше төбәктә көчле янгын: Татарстан авылларына куркыныч яныймы (шартлау видеолары)

17 Мая 2018

Укылган: 1140 тапкыр

Хезмәткәрләрне өйгә кайтарып җибәргәннәр, ата-аналарга балаларны бакчалардан алырга киңәш иткәннәр.

Удмуртиянең Малопургинск районы Пугачево авылында сугыш кирәк-яраклары шартлый, үлән яна.

Удмуртия чигендәге Әгерҗедә яшәүчеләр арасында куркуга төшү юк, дип сөйләгән “Татар-информ”га “Әгерҗе хәбәрләре” газетасы мөхәррире Дания Абзалова.

“Әле генә Әгерҗе хакимиятенә шалтыраттым. Эвакуацияләү юк диделәр. Ата-аналарга балаларны бакчалардан алырга киңәш иткәннәр. Район хакимияте Кече Пурга башлыгы белән телефоннан сөйләшкән. Ул Пугачево авылындагы хәрби частька барган, анда үлән януы һәм берәмләп шартлау тавышлары булуын әйткән. Әгерҗедә тыныч, без үз редакциябез хезмәткәрләрен өйләренә кайтарып җибәрдек. Удмуртия, Кече Пурга ягына юллар ябылган. Шәһәрдән китәргә кирәк дип карар итүче әгерҗеләр мөстәкыйль рәвештә юлга чыкканнар”, - дип сөйләгән Дания Абзалова.

Дания Абзалова сүзләренчә, Әгерҗе районы башкарма комитеты җитәкчесе күптән түгел Пугачеводан кайткан һәм анда яшәүчеләрне эвакуацияләмәүләре турында хәбәр иткән.

Удмуртиядә снарядлар шартлау аркасында Татарстанның янгын сүндерүчеләре әзер тора. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Социаль челтәрләрдә чыккан видеоязма кадрларында күккә кара төтен күтәрелүе күренә, шартлау тавышы ишетелә.

Һәлкәт урыны Әгерҗедән 8,5 чакрым гына булуга карамастан, Татарстанда яшәүчеләргә куркыныч янамый. 

РИА Новости Пугачеводан 10 км ераклыктагы шифаханәдән балаларны эвакуацияләү турында хәбәр итте.

РЕН ТВ каналы 2011 елдан калган снарядлар шартлаган урыннан видеоларны күрсәтте.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла