"Ике куяннары да төтенгә тончыгып үлгән иде" - әниле-кызлы фатирдагы фаҗига шаһитләре

13 Ноября 2017

Укылган: 492 тапкыр

Коломенская урамындагы йортның 4 катында бер бүлмәле фатирда 60 яшьлек хатын кызы белән яшәгән. 
- Янгын шул хатыннан башланды да инде, ул тәмәке тарта, ә йортта чүп-чар бик күп иде, - дип сөйли фаҗиганең шаһите Константин Эфир 24 телеканалына. 

Янгынны сүндерәләр. Әмма  идәндәге чүп-чар арасынннан янгын сүндерүчеләр, бик нык янган хатын-кыз мәете табалар.

- Тавышлар ишеттем, ләкин анда керергә батырчылык итмәдем, чөнки төтен бик көчле, түшәмнән алып минем тезләргә кадәр иде, шуышып кына керергә мөмкин. Ә башыңны аз гына күтәрсәң дә, төтен. Нефть төтене кебек кап-кара иде, исе дә бик начар, мөгаен, анда синтетик әйберләр янгандыр, мин керергә курыктым, - дип сүзен дәвам итте янгын шаһите Константин. 

Константин янгын чыккан фатирның күршесендә генә яшәгән. Янгын турында аңа һәлак булган ханымның 60 яшьлек әнисе хәбәр иткән. Ярдәм сораган ханым үзе дә аек булмаган.

- Ишекне ачуга, кара төтен фатирга керде, балалар бик борчылды, - дип сөйләде ул. 

Ир-ат үз подъездларындагы һәрбер фатирның ишеген шакый, янгын турында хәбәр итә, шуннан соң полиция хезмәткәрләрен чакыра. 

- Мондый яшәү рәвеше белән янгын котылгысыз иде, - дип бер тавыштан зарлана йортта яшәүчеләр. 

- Икесе дә акылга зәгыйфь иделәр. Көн, төн дип тормыйлар кычкырышалар, сугышлар, бер-берсен куып йөриләр иде. Мондый хәлнең килеп чыгуы гаҗәп тә түгел! Ярты еллап элек тә шулай булды, газны ачык калдырган иде. Махсус хезмәткәрләр килеп газ килүне яптылар. Бу гаилә аркасында үзебезне дары мичкәсендә яшәгән кебек хис итәбез, -  дип сөйләделәр күршеләр. 

Беренчел мәгълүматлар буенча янгын сүндерелмәгән тәмәке төпчеге аркасында килеп чыккан. Шулай ук аналы-кызлы гаиләдә ике йорт куяны да тоткан, алары да читлекләрендә тончыгып үлгән. Янгын 30 квадрат метр мәйданны тәшкил иткән. 

Фикерләр








БАШКА ЯҢАЛЫКЛАР

Intertat.ru © 2001 - 2018 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла