Грузиядә ял иткәндә авариягә очраган хатын комада, Россиягә кайту өчен акча кирәк
Гаилә арендага машина алып, экскурсиягә барганда, авария булган. Ир җиңелчә имгәнгән.
Уфада яшәүче Динара һәм Шамил Нуриевлар Грузиягә ял итәргә барган. Алар белән кечкенә уллары да булган. Бу турыда "Башинформ" хәбәр итте.
Гаилә, арендага машина алып, экскурсиягә барган. Юлда алар авариягә очраган. Ир җиңелчә имгәнгән. Хатыны Динараны операциядән соң, ясалма комага керткәннәр.
Бу гаиләгә Россиягә кайту өчен, Грузиядәге клиникага дәвалаганга акча түләргә кирәк. Анда яшәгән һәр көн 500 доллар тора. Дәвалауны алар үз кесәләреннән түли. Алар ялга барганда иминият страховкасын алмаган булган.
Ярдәм итәргә теләге булганнар өчен, өстәмә мәгълүмат «ВКонтакте» челтәрендә.