Дүрт районның почетлы гражданины, "Татмелиорация" җитәкчесе Әнвәр Залаков вафат

11 Февраля 2018

Укылган: 613 тапкыр

Автор: Рузилә МӨХӘММӘТОВА
Әнвәр Залаков дүрт районның почетлы гражданины иде.

Озакка сузылган каты авырудан соң "Татмелиорация" траст компаниясе ачык акционерлык җәмгыяте генераль директоры Әнвәр Залаков вафат булды. Бу хакта "Татар-информ"га "Татмелиоводхоз" федераль дәүләт бюджет учрежденесе директоры, озак еллар Әнвәр Залаков бергә эшләгкн Марс Хисмәтуллин хәбәр итте.

Әнвәр Мәхмүт улы Залаков 1949 елда Чистай районы Акбүре авылында (хәзер Яңа Чишмә районына керә) туган. 1989-1991 елларда «Алькеевоагропромхимия» рәисе, 1991-1995 елларда – «Татсельхозтехника» холдинг ширкәте җитәкчесе, 1995-1999 елларда – Сарман районы башлыгы; 1999 елдан башлап «Татмелиорация» акционерлык җәмгыяте генераль директоры. ТАССР атказанган авыл хуҗалыгы хезмәткәре. 

"Әнвәр Мәхмүтович Татарстанның дүрт районының почетлы гражданины иде. Үзе исән чагында ук аның исеме район җирләрендәге урамнарга бирелде. Ул үз туган ягын ярата торган шәхес иде", - диде "Татар-информ" агентылыгына Марс Хисмәтуллин. Аның әйтүенчә, Әнвәр Залаков соңгы ярты елда авырган. Марс Хисмәтуллин әйтүенчә, Әнвәр Залаков, үзенең васыяте буенча туган авылында - Акбүре авылында җирләнәчәк.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла