Балаларына кунакка килгән ата улларының таркала башлаган мәетләренә тап булган
Чаллыда яшәүче ир 26 комплекста яшәүче улларына кунакка кереп чыгарга уйлый. Әмма уллары берничә көн элек үлгән һәм инде аларның мәетләре таркала башлаган була. Бу хакта "Татар-информ" хәбәр итә.
Тикшерүчеләрнең фаразлары буенча, 34 һәм 40 яшьлек ирләр беркайда да эшләмәгән, эчүчелек белән мавыккан. Бу аларның үлеменә дә сәбәп булган дип уйланыла. Тәмәке тарткан килеш йоклап киткәннәр дә, өйдә янгын башланган. Пластмасса трубаларга ут капкан, әмма ут фатирга таралып китмәгән. Әмма пластмасса төтененнән ике ир дә агуланып үлгән булса кирәк.